Навука і тэхналогіі11

Амерыканскі стартап створыць 3D-мапы ўсёй паверхні Зямлі

«Рой» спадарожнікаў будзе выкарыстоўваць тэхналогію LiDAR для стварэння трохмерных мап планеты, што можа аказацца карысным для фермераў і гарадскіх планіроўшчыкаў.

Ілюстрацыя: NUVIEW

Сучасныя спадарожнікі, якія ўжо знаходзяцца на арбіце Зямлі, у значнай ступені забяспечваюць двухмерны выгляд нашай планеты для шматлікіх электронных мап і падобных праграм. Кампанія NUVIEW з Фларыды спадзяецца змяніць гэта, выкарыстоўваючы групоўку спадарожнікаў для стварэння 3D-мап усёй паверхні планеты. Для ажыццяўлення сваіх амбіцыйных планаў кампанія плануе выкарыстоўваць тэхналогію LiDAR.

LiDAR — што расшыфроўваецца як Light Detection and Ranging — выкарыстоўвае імпульсныя лазеры для вымярэння адлегласці шляхам вызначэння часу, неабходнага для вяртання адлюстраванага святла ў прыёмнік. Да гэтага часу для складання мап зямной паверхні пры дапамозе LiDAR выкарыстоўваюць у асноўным беспілотнікі або самалёты. Апарат ICESat-2, які быў запушчаны NASA ў 2018 годзе для вымярэння вышыні ледзянога покрыва ў Арктыцы, з'яўляецца адным з невялікай колькасці спадарожнікаў, якія выкарыстоўваюць LiDAR з арбіты.

У выніку толькі каля 5 адсоткаў зямной сушы былі нанесеныя на мапу з дапамогай LiDAR. Але дзякуючы нядаўнім тэхналагічным інавацыям, а таксама развіццю касмічнай індустрыі, якая дазваляе атрымаць лепшы і таннейшы доступ да арбіты, NUVIEW змог распрацаваць групоўку з 20 спадарожнікаў, на якіх можа працаваць LiDAR.

Стартап сцвярджае, што іх спадарожнікавая групоўка будзе збіраць даныя больш чым у сто разоў хутчэй, чым іншыя сучасныя камерцыйныя сродкі. Кампанія прагназуе вялікі попыт на свае даныя, якія, напрыклад, могуць быць карыснымі для аптымізацыі ўраджайнасці сельскагаспадарчых культур і выкарыстання вады, а таксама для стварэння больш эфектыўнага і ўстойлівага асяроддзя для гарадоў пры планаванні гарадской забудовы.

Пакуль незразумела, калі NUVIEW плануе запусціць свой спадарожнікавы рой на арбіту, але кампанія сцвярджае, што ў яе ўжо ёсць кантракты на 1,2 мільярда даляраў з патэнцыйнымі кліентамі на яе даныя.

Каментары1

  • Рамка
    09.05.2023
    Па такіх мапах прасцей пракладаць шлях для баявых ракет

Цяпер чытаюць

Польшча закрывае мяжу з Беларуссю ў сувязі з вучэннямі «Захад-2025»

Усе навіны →
Усе навіны

Пуцін, верагодна, знаходзіўся ў Сочы, калі горад атакавалі дроны1

У Непале адмянілі забарону на сацсеткі пасля масавых пратэстаў зумераў, у ходзе якіх загінулі 19 чалавек6

49-гадовая мінчанка стала студэнткай ВНУ2

У мінскай СДЮШАР 29-гадовы трэнер ударыў вучня — а калі атрымаў вымову, то неўзабаве памёр3

«Фандрайзінг — як спатканні… для нізкіх мужчын». Дзмітрый Гурскі, кіраўнік Flo Health, расказаў пра досвед прыцягнення інвестыцый

Сілавікі затрымалі пару, якая заснавала адзін з найбуйнейшых таксапаркаў краіны4

Як праходзіць уезд у Латвію па новых правілах. Расказваюць відавочцы8

Вынесены прысуд бацьку ў Краснаярскім краі, які атруціў сям'ю дыхлафосам — чацвёра дзяцей памерлі5

Жыхар Вілейкі злавіў сома вагой 44 кілаграмы — гэта рэкорд3

больш чытаных навін
больш лайканых навін

Польшча закрывае мяжу з Беларуссю ў сувязі з вучэннямі «Захад-2025»109

Польшча закрывае мяжу з Беларуссю ў сувязі з вучэннямі «Захад-2025»

Галоўнае
Усе навіны →

Заўвага:

 

 

 

 

Закрыць Паведаміць