Швед сцвярджае, што колькасць зваротаў у «камісію па вяртанні» ўзрасла да 56-ці
Генеральны пракурор Андрэй Швед заявіў, што ў кіраваную ім камісію па вяртанні беларусаў, якія з'ехалі, нібыта паступіла ўжо 56 заяў.
«Праца ідзе, паступіла 56 зваротаў ужо з-за мяжы. Матэрыялы рыхтуюцца да пасяджэння камісіі. І я думаю, у найбліжэйшы час першую частку гэтых зваротаў мы разгледзім ва ўстаноўленым указам кіраўніка дзяржавы парадку», — расказаў Швед у эфіры тэлеканала АНТ.
Камісія па вяртанні запрацавала на пачатку лютага 2023 года. У сакавіку паведамлялася, што за месяц яе працы ў камісію звярнуліся 23 чалавекі, але большасць заяў «не адпавядала» прапісаным ва ўказе крытэрыям.
Ад тых, хто звяртаецца ў камісію, патрабуюць растлумачыць, чаму яны асцерагаюцца вярнуцца (фактычна данесці самім на сябе), раскаяцца і прынесці публічныя прабачэнні (публічна прынізіцца) і пакрыць прычыненую шкоду (падтрымаць сваіх мучыцеляў матэрыяльна). Такія ўмовы слаба матывуюць нават тых, хто не змог добра ўладкавацца на чужыне і моцна сумуе па радзіме. Тым больш, што любыя дадатковыя каментарыі і тлумачэнні лукашэнкаўскіх чыноўнікаў і прапагандыстаў, як правіла, не дадаюць аптымізму, бо яны звычайна прасякнутыя настроенасцю помсту, а не прабачэнне.
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец13
Каментары
Они там наверное в комиссию штатных единиц понанимали, бюджет распределили, оклады, премии за переработки, теперь нужно как то придумать фейковые обращения которые они будут рассматривать