Каго менавіта затрымалі ў вёсцы Чарцяж? Гэта сямейная пара, у іх двое дзяцей
Дзяржаўныя СМІ назвалі іх імёны. Расказваем, што пра іх вядома.
Пасля рэпартажа дзяржаўных СМІ, у якім назвалі імёны затрыманай у вёсцы Чарцяж сямейнай пары, «Наша Ніва» змагла адшукаць інфармацыю пра іх. Гаворка ідзе пра 41-гадовую Настассю Пілько і 47-гадовага Алега Сычова. Прозвішча Настассі ёсць у спісах удзельнікаў дачнага кааператыва «Бярозавы Гай», у яе там дача.
Алег нарадзіўся ў Краснаярску, але ў нулявых пераехаў у Беларусь і ўжо атрымаў грамадзянства. У 2005 годзе ў Расіі супраць яго заводзілі крымінальную справу па артыкуле «Незаконнае нашэнне, вытворчасць або продаж халоднай зброі». Апошнім часам ён працаваў друкаром у выдавецтве «Зміцер Колас».
Настасся ж карэнная беларуска. Яна шмат дзе працавала, але апошняе вядомае месца працы — дырэктарка друкарні ААТ «Электронны агент».
Па інфармацыі праваабаронцаў, абое яны цяпер знаходзяцца ў СІЗА КДБ. Адметна, што яны адзіныя беларусы, чые імёны прапагандыстка з дзяржаўнага ТВ назвала ў роліку пра атаку ў Мачулішчах. Твараў іх не паказалі, як і кадраў затрымання ці відэа допыту.
На відэа з затрыманнем грамадзяніна Украіны Мікалая Швяца сілавікі ўваходзілі ў адкрытыя дзверы дачнага дома.
Затрыманая пара мае дваіх непаўналетніх дзяцей. Што з імі і дзе яны — невядома.
Зрэшты, мы не можам з дакладнасцю сцвярджаць і тое, ці сапраўды затрымалі Пілько і Сычова. Ані кадраў іх затрымання, ані відэа іх допыту не паказалі.
«Наша Нiва» — бастыён беларушчыны
ПАДТРЫМАЦЬЧытайце яшчэ:
Лукашэнка: ДРЛА А-50 атрымаў «драпіны і адну прабоіну ў корпусе»
Новыя падрабязнасці пра атаку на самалёт у Мачулішчах: прапагандысты назвалі новыя імёны
Мінула 4 дні, як КДБ забраў выдаўца Змітра Коласа. Звязана са справай пра Мачулішчы?
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары