Крыніцы: Пры разглядзе заявак на крэдыты ў банках пачалі ўлічваць «палітычную добранадзейнасць»
Як стала вядома «Нашай Ніве», у некаторых банках прыкамандзіраваныя супрацоўнікі спецслужбаў займаюцца ўжо не толькі кантролем супрацоўнікаў, але і ацэньваюць асобы заснавальнікаў бізнэсаў на прадмет лаяльнасці, калі ад кампаніі паступае заяўка на крэдыты.
«Грошай для крэдытавання цяпер хапае, былі б толькі талковыя праекты. Але цяпер заяўкі на крэдыты для развіцця бізнэсу ў асобных банках правяраюцца не толькі з пазіцыі бізнэс-ідэі і рэнтабельнасці, але і з пазіцыі «добранадзейнасці» заснавальнікаў бізнэсу. Усе заснавальнікі правяраюцца: база «Беспарадкі», мабільныя білінгі, факты данатаў. Калі нехта з сузаснавальнікаў удзельнічаў, падтрымліваў пратэст, то такой кампаніі ў крэдыце будзе адмоўлена», — расказала «Нашай Ніве» крыніца ў адным з беларускіх банкаў.
«Яны не хочуць, каб раслі бізнэсы, дзе ўласнікі крытычна ставяцца да лукашызму. І хочуць абмяжоўваць патэнцыял іх рэсурсу», — дадаў суразмоўца.
Многія прыватныя бізнэсы дапамагалі пратэстам супраць лукашызму ў 2020-м. Некаторыя з іх былі разгромленыя, працэс задушэння нелаяльных працягваецца.
Па словах нашых суразмоўцаў, новую практыку распаўсюдзілі яшчэ не на ўсе банкі.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
Спадзяюся, што Украіна не будзе перашкаджаць гэтым санкцыям!