«Гэта не наш чалавек». «Байпол» абверг сувязь з ураджэнцам Крыма, якога нібыта шукаюць у сувязі з дыверсіяй у Мачулішчах
«Гэта не наш чалавек», — сказаў кіраўнік BYPOL Аляксандр Азараў «Нашай Ніве».
У інтэрнэце распаўсюджваюцца арыенціроўкі на Швеца Мікалая Уладзіміравіча 1993 года нараджэння, якія нібыта рассылаюцца па райаддзелах МУС і нават па аддзелах МНС.
У аддзеле ўнутраных спраў Гомельскага райвыканкама журналістцы «Зеркала», якая патэлефанавала туды як звычайная грамадзянка, пацвердзілі, што падобнага чалавека сапраўды шукаюць.
У той жа час канал «МотолькоПомоги» звяртае ўвагу, што да арыенціроўкі, якую ўвесь дзень раскідваюць па чатах, ёсць шэраг пытанняў. У розных чатах і каналах можна знайсці мінімум 5—6 версій яе.
«Калі гэта сапраўды рэальная папера на вышук мужчыны, які «здзейсніў асабліва цяжкае злачынства ў г. п. Мачулішчы», то чаму даныя розныя? У адной паказаны колер машыны, у другога — няма, у трэцяй «вызначаецца». І колькасць знакаў у нумары аўто ў розных арыенціроўках то 7 (5 КС 5513), то 8 (5 КСТ 5513)? Але галоўнае, што кідаецца ў вочы, нейкі Мікалай адразу аказаўся «выхадцам з Крыма», — адзначае «МотолькоПомоги».
У кожным разе, «гэта не наш чалавек», — сказаў кіраўнік BYPOL Аляксандр Азараў «Нашай Ніве».
Лукашэнкаўскія СМІ, прапагандысты і сам ён дагэтуль ніяк не пракаментавалі інфармацыю пра выбухі на аэрадроме ў Мачулішчах — адказнасць за іх узяла ініцыятыва беларускіх сілавікоў супраць дыктатуры «Байпол». «Байпол» сцвярджае, што беларускія падпольшчыкі вывелі з ладу мегакаштоўны самалёт далёкай разведкі коштам 330 мільёнаў даляраў.
Чытайце таксама:
«Жэстачайшай дысцыпліны!» Лукашэнка адчытаў кіраўніцтва сілавога блоку. Хрэнін сядзеў як мыла з'еўшы
Расійскі самалёт А-50 у Мачулішчах можа быць сур'ёзна пашкоджаны — пра гэта сведчыць адна дэталь
У Крамлі адмовіліся каментаваць атаку на расійскі самалёт у Беларусі
«Самым складаным была эвакуацыя». Азараў пра падрабязнасці падрыву расійскага самалёта ў Мачулішчах
У розных раёнах краіны з раніцы стаяць пасты ДАІ, правяраюць машыны
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч24
Каментары