Каханне і сэкс33

У ЗША стварылі мужчынскі супрацьзачаткавы сродак, які часова паралізуе сперматазоіды

Навукоўцы з ЗША выявілі і паспяхова выпрабавалі на мышах рэчыва, якое можа прывесці да стварэння кантрацэптыву для мужчын, што будзе дзейнічаць хутка і ўсяго некалькі гадзін — максімум дзень, паведамляе Бі-бі-сі.

Даследчыкі пад кіраўніцтвам доктара Мелані Болбах з Медыцынскага каледжа Вэйл Корнэл у Нью-Ёрку пры падтрымцы нацыянальных інстытутаў аховы здароўя ЗША, якія апублікавалі працу ў часопісе Nature Communications, заявілі, што ў будучыні мужчыны змогуць прымаць гэты кантрацэптыў непасрэдна перад сэксуальнай актыўнасцю, і іх фертыльнасць будзе адноўленая ўжо на наступны дзень.

Даследчыкі выявілі, што рэчыва TDI-11861 паралізуе сперматазоіды і перашкаджае іх паспяванню, не парушаючы пры гэтым палавую функцыю.

Гэта рэчыва часова дэактывуе фермент, які жыццёва важны для таго, каб сперматазоіды маглі «плаваць» і спець, прайсці праз жаночы рэпрадуктыўны тракт і апладніць яйцаклетку.

Як паказалі эксперыменты, хоць самцы мышэй, якім давалі гэта рэчыва, некалькі разоў спарваліся з самкамі, цяжарнасць не надыходзіла. Пабочных эфектаў таксама не назіралася ні ў самцоў, ні ў іх самак. Прыкладна праз тры гадзіны дзеянне рэчыва слабла, і самцы грызуноў аднаўлялі сваю фертыльнасць.

Галоўная выснова даследавання ў тым, што «растваральныя інгібітары адэнілатцыклазы патэнцыйна могуць стаць бяспечным, даступным у любы час, негарманальным і абарачальным аральным кантрацэптывам для мужчын».

На сёння метады мужчынскай кантрацэпцыі абмяжоўваюцца выкарыстаннем прэзерватываў і хірургічнай стэрылізацыяй з дапамогай вазэктаміі. Спробы распрацаваць мужчынскія кантрацэптывы ў форме таблетак да гэтага часу стрымліваліся нізкай эфектыўнасцю, павольным дзеяннем або пабочнымі эфектамі.

Новае рэчыва дае вялікія надзеі, але яго яшчэ трэба будзе выпрабаваць на людзях.

Эфектыўнасць кантрацэптыву, выпрабаванага на жывёлах, склала 100% на працягу першых дзвюх гадзін пасля прыёму і 91% на працягу першых трох гадзін.

Вяртанне фертыльнасці ў мужчын заўсёды завяршалася на працягу 24 гадзін. Пасля бесперапыннага прыёму рэчыва (ін'екцыйна або пераральна) цягам шасці тыдняў пабочных эфектаў не назіралася.

Чытайце таксама:

Даследчыкі выявілі яшчэ адзін карысны эфект ад «Віягры» 

Дзяржава для народа: у Францыі прэзерватывы зробяць бясплатнымі для моладзі ад 18 да 25

«Муж сам папаўняе калекцыю». Беларускі расказалі, як у іх ложку з’явіліся сэкс-цацкі і якія

Каментары3

  • Алесь
    15.02.2023
    Ага. А пасьля акажацца што не часова...
  • гоблен
    15.02.2023
    Ууф! Классная штука! Долой резину)
  • Вось...
    16.02.2023
    Гэта настолькі старая песьня... Спачатку.. "прарыў у навуцы.. Найсучаснейшы і найбясшкоднейшы прэпарат..." ніякай шкоды... Адзін кайф... " а праз 20 гадоў раптам ціхенька забараняюць, калі ўжо кучы народу беззваротна сапсавалі здароўе і жыцьцё...

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА29

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА29

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць