Вось як дабіцца, каб адзенне пасля пральнай машыны сохла хутчэй
Як сушыць адзенне зімой, калі яго не павесіць на вуліцы, а на балконах і лоджыях павышаная вільготнасць? Раскажам вам пра адзін лайфхак, які зробіць гэтую справу лягчэйшай.
Сушыць адзенне пасля пральнай машыны, калі на дварэ зіма, можа быць цяжка і стомна. Але калі запомніць некалькі правілаў, вы здолееце паскорыць гэты працэс, абяцае gazeta.pl.
Вось гэтыя правілы.
- Уключайце пральную машыну на як мага больш інтэнсіўны рэжым, гэта паскорыць працэс сушкі. Але будзьце асцярожныя: не перастарайцеся і ў першую чаргу правярайце рэкамендацыі на этыкетках адзення.
- Не перагружайце пральную машыну. Калі пакласці туды занадта шмат адзення, яно не будзе нармальна адціскацца.
Гэтыя два правілы вельмі дапамогуць вам у працэсе сушкі, але можна скарыстацца яшчэ адным хітрым прыёмам. Для яго вам спатрэбіцца толькі ручнік.
Пасля прання проста адкрыйце машыну і пакладзіце ў барабан вялікі сухі ручнік, пажадана махровы, бо ён добра ўбірае ваду. Потым запусціце ў машыне праграму адціскання на аптымальным рэжыме. Ручнік убярэ ў сябе лішнюю ваду, і адзенне высахне за імгненне. Калі адцісканне скончыцца, вам трэба будзе толькі выцягнуць адзенне з машыны і добра страсянуць яго.
Яшчэ адзін спосаб паскорыць сушку — павесіць адзенне ля радыятара, тым больш што гэта дапаможа і падтрымаць належны ўзровень вільготнасці. Але будзьце асцярожныя, каб ваша адзенне не дакраналася да самога радыятара, бо яно можа дэфармавацца.
Чытайце таксама:
Для чаго выкарыстоўваецца трэці адсек у пральнай машыне? Вы можаце здзівіцца
Чаму дзяцей трэба займаць хатняй працай
Вось 7 простых лайфхакаў, дзякуючы якім ваша сантэхніка будзе блішчэць кожны дзень
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары