Калі заўтра ядзерны ўдар. Пяць сцэнарыяў прымянення Пуціным зброі масавага знішчэння, наступствы і варыянты адказу НАТА
Заўтра Пуцін збірае Савет бяспекі, дзе будзе абмяркоўваць, чым адказаць на разбурэнне Крымскага моста і як спыніць контрнаступ УСУ. Прапагандысты прама заклікаюць націснуць на ядзерную кнопку. Аналітыкі ў заходняй прэсе распісалі пяць галоўных сцэнарыяў магчымага развіцця падзей і магчымую рэакцыю Захаду на такія дзеянні. Канал «Можем объяснить» абагульніў іх прагнозы.
Дэманстрацыйны ўдар
РФ можа правесці падземныя (або падводныя) выпрабаванні на сваёй тэрыторыі або падарваць бомбу над тэрыторыяй Украіны на дастатковай вышыні, каб не было ахвяр.
Наступствы: магчымае забруджванне глебы / вады / паветра, у тым ліку некантралюемы рух радыеактыўных часціц над тэрыторыяй Еўропы.
Рэакцыя Захаду: калі наступствы выйдуць за міжнародна прызнаныя межы РФ — удар ракетай па дывізіі або ваеннай базе УС РФ, адкуль запушчаная ракета, з надзеяй, што гэта прадухіліць далейшае выкарыстанне ядзернай кнопкі.
Тактычнае прымяненне на полі бою
УС РФ могуць ударыць невялікай ядзернай бомбай па ўкраінскім вайсковым або інфраструктурным абʼекце.
Наступствы: усё залежыць ад магутнасці ядзернай боегалоўкі, але чакаецца, што забруджанай будзе параўнальна невялікая тэрыторыя.
Рэакцыя Захаду: знішчэнне ракетай аднаго або некалькіх важных для УС РФ аб'ектаў: порта, аэрадрома, мабільных адзінак пускавой тэхнікі.
Удар па невялікім украінскім населеным пункце
Наступствы: крытычная колькасць смерцяў з-за вялікай канцэнтрацыі жыхароў, забруджванне тэрыторыі на многія гады.
Рэакцыя Захаду: верагоднае прамое ўступленне войскаў НАТА ў вайну ва Украіне, аб'яднанне аперацый і камандавання з УСУ.
Удар па тэрыторыі НАТА
Магчымы ўдар ракетай малой магутнасці па складзе або аэрапорце на тэрыторыі Польшчы, праз якую ідзе вайсковая тэхніка для УСУ.
Наступствы: цяжка прагназаванае забруджванне навакольнага асяроддзя ў Еўропе.
Рэакцыя Захаду: залежыць ад радыяцыйнага забруджвання. Пры дакладным пападанні з вельмі нізкім радыяцыйным фонам адказам будзе люстраны ўдар па расійскім аб'екце.
Але ў выпадку радыяцыйнага забруджвання — уступленне ўсяго кантынгенту НАТА (згодна з 5-м артыкулам Статута) у прамую вайну супраць Расіі — г. зн. актывацыя ўсіх франтоў, калі ўкраінскі адыдзе на трэці план.
Такім жа будзе і адказ у выпадку ўдару па Кіеве ці буйным горадзе Украіны, прагназуюць аналітыкі — чацвёрты і пяты сцэнарый яны называюць «суіцыдальнымі» для Расіі.
Чытайце таксама:
Адказ будзе, якога не чакаюць. Кіраўнік абароннага камітэта Дзярждумы РФ пракаментаваў выбух на Крымскім мосце
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
Вопрос в оперативном опережении.