Kali zaŭtra jadzierny ŭdar. Piać scenaryjaŭ prymianieńnia Pucinym zbroi masavaha źniščeńnia, nastupstvy i varyjanty adkazu NATA
Zaŭtra Pucin źbiraje Saviet biaśpieki, dzie budzie abmiarkoŭvać, čym adkazać na razbureńnie Krymskaha mosta i jak spynić kontrnastup USU. Prapahandysty prama zaklikajuć nacisnuć na jadziernuju knopku. Analityki ŭ zachodniaj presie raśpisali piać hałoŭnych scenaryjaŭ mahčymaha raźvićcia padziej i mahčymuju reakcyju Zachadu na takija dziejańni. Kanał «Možiem objaśniť» abahulniŭ ich prahnozy.
Demanstracyjny ŭdar
RF moža pravieści padziemnyja (abo padvodnyja) vyprabavańni na svajoj terytoryi abo padarvać bombu nad terytoryjaj Ukrainy na dastatkovaj vyšyni, kab nie było achviar.
Nastupstvy: mahčymaje zabrudžvańnie hleby / vady / pavietra, u tym liku niekantralujemy ruch radyjeaktyŭnych čaścic nad terytoryjaj Jeŭropy.
Reakcyja Zachadu: kali nastupstvy vyjduć za mižnarodna pryznanyja miežy RF — udar rakietaj pa dyvizii abo vajennaj bazie US RF, adkul zapuščanaja rakieta, z nadziejaj, što heta praduchilić dalejšaje vykarystańnie jadziernaj knopki.
Taktyčnaje prymianieńnie na poli boju
US RF mohuć udaryć nievialikaj jadziernaj bombaj pa ŭkrainskim vajskovym abo infrastrukturnym abjekcie.
Nastupstvy: usio zaležyć ad mahutnaści jadziernaj bojehałoŭki, ale čakajecca, što zabrudžanaj budzie paraŭnalna nievialikaja terytoryja.
Reakcyja Zachadu: źniščeńnie rakietaj adnaho abo niekalkich važnych dla US RF abjektaŭ: porta, aeradroma, mabilnych adzinak puskavoj techniki.
Udar pa nievialikim ukrainskim nasielenym punkcie
Nastupstvy: krytyčnaja kolkaść śmierciaŭ z-za vialikaj kancentracyi žycharoŭ, zabrudžvańnie terytoryi na mnohija hady.
Reakcyja Zachadu: vierahodnaje pramoje ŭstupleńnie vojskaŭ NATA ŭ vajnu va Ukrainie, abjadnańnie apieracyj i kamandavańnia z USU.
Udar pa terytoryi NATA
Mahčymy ŭdar rakietaj małoj mahutnaści pa składzie abo aeraporcie na terytoryi Polščy, praź jakuju idzie vajskovaja technika dla USU.
Nastupstvy: ciažka prahnazavanaje zabrudžvańnie navakolnaha asiarodździa ŭ Jeŭropie.
Reakcyja Zachadu: zaležyć ad radyjacyjnaha zabrudžvańnia. Pry dakładnym papadańni ź vielmi nizkim radyjacyjnym fonam adkazam budzie lustrany ŭdar pa rasijskim abjekcie.
Ale ŭ vypadku radyjacyjnaha zabrudžvańnia — ustupleńnie ŭsiaho kantynhientu NATA (zhodna z 5-m artykułam Statuta) u pramuju vajnu suprać Rasii — h. zn. aktyvacyja ŭsich frantoŭ, kali ŭkrainski adydzie na treci płan.
Takim ža budzie i adkaz u vypadku ŭdaru pa Kijevie ci bujnym horadzie Ukrainy, prahnazujuć analityki — čaćviorty i piaty scenaryj jany nazyvajuć «suicydalnymi» dla Rasii.
Čytajcie taksama:
Adkaz budzie, jakoha nie čakajuć. Kiraŭnik abaronnaha kamiteta Dziarždumy RF prakamientavaŭ vybuch na Krymskim moście
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie4
Kamientary
Vopros v opierativnom opieriežienii.