Adkaz budzie, jakoha nie čakajuć. Kiraŭnik abaronnaha kamiteta Dziarždumy RF prakamientavaŭ vybuch na Krymskim moście
Kali za padryvam Krymskaha mosta sapraŭdy staić ukrainski bok, to Rasijaj budzie dadzieny adkaz, jaki «jany ŭsie adčujuć». Pra heta «Viedamaściam» zajaviŭ kiraŭnik kamiteta Dziarždumy pa abaronie hienierał-pałkoŭnik Andrej Kartapołaŭ.
Jon skazaŭ, što Pucin pastaviŭ zadaču razabracca ŭ tym, što zdaryłasia, stvoranaja śpiecyjalnaja kamisija. «Potym buduć nazvanyja vinavatyja. Kryminalnaja sprava zaviedzienaja pa fakcie ŭčynieńnia padryvu mosta. A padryŭ — heta teraryzm», — kaža Kartapołaŭ.
Na pytańnie pra toje, ci budzie Maskva adkazvać, «kali vyśvietlicca, što za teraktam staić Kijeŭ», Kartapołaŭ adkazaŭ, što «adkaz budzie».
«A jaki adkaz budzie, my z vami daviedajemsia. Naš prezident i viarchoŭny hałoŭnakamandujučy nikoli nie robić toje, što ad jaho čakajuć «partniory». Jon robić toje, što ad jaho nie čakajuć. Heta budzie toje, što jany ŭsie adčujuć», — zajaviŭ kiraŭnik abaronnaha kamiteta.
U subotu kala šaści ranicy na Krymskim moście adbyŭsia vybuch. Na moście znachodzilisia fura i lehkavy aŭtamabil, jaki abhaniaŭ jaje. U hety ž čas pa čyhunačnaj častcy mosta prachodziŭ sastaŭ z vahonaŭ-cysternaŭ. Z-za vybuchu cysterny z palivam zaharelisia. Dva praloty mosta ruchnuli.
Pavodle rasijskich krynic, aŭtamabilny i čyhunačny ruch na moście siońnia byli adnoŭlenyja. Nakolki ŭpaŭ trafik, nie paviedamlajecca.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3535
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu35
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary