Матолька назваў Латушку далб**бам, той пайшоў па падтрымку ў фэйсбук — скандал
Палітык Павел Латушка апублікаваў прыватную перапіску з блогерам Антонам Матолькам, дзе той называе Латушку далб**бам і кавалкам гаўна, і прызнаецца ў жаданні пагаварыць асабіста. Пачалося ўсё з інтэрв'ю Латушкі «Еўрарадыё», дзе той заявіў, што Ціханоўская павінна ўзгадняць сваю пазіцыю з Пазняком і Саннікавым перад візітамі за мяжу.
У інтэрв'ю Змітру Лукашуку Латушка выказваў крыўды на тое, што стаў другасным палітыкам — Ціханоўская не бярэ яго на сустрэчы з замежнымі палітыкамі, яго меркаваннем не цікавяцца.
На думку Латушкі, слухаць павінны не толькі яго, але і іншых, павінна быць «аб'яднанне». Палітык заявіў, што Ціханоўская павінна ўзгадняць сваю пазіцыю нават з Пазняком і Саннікавым — задача невыканальная, улічваючы паслядоўную няздольнасць апошніх да працы ў кааліцыях, а таксама той факт, што Пазняк называў Латушку і Саннікава агентамі КДБ (таму што былыя дыпламаты, а іншых пасламі не робяць), Ціханоўскую — магчыма, завербаванай, а Саннікаў раіў Ціханоўскай смажыць катлеты. Не самы зручны бэкграўнд для калектыўнай працы.
Антон Матолька не стаў стрымліваць эмоцыіі і ў вельмі экспрэсіўнай манеры пачаў пісаць у асабістыя паведамленні Латушку.
Латушка вынес гэта на агульны суд у сваёй старонцы ў фэйсбуку.
Допіс ужо сабраў трыста каментаў. Каму спачувае аўдыторыя? Адназначна сказаць цяжка. Самае распаўсюджанае меркаванне, што ў дадзеным выпадку абодва павялі сябе не найлепшым чынам.
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары