Matolka nazvaŭ Łatušku dałb**bam, toj pajšoŭ pa padtrymku ŭ fejsbuk — skandał
Palityk Pavieł Łatuška apublikavaŭ pryvatnuju pierapisku z błohieram Antonam Matolkam, dzie toj nazyvaje Łatušku dałb**bam i kavałkam haŭna, i pryznajecca ŭ žadańni pahavaryć asabista. Pačałosia ŭsio z intervju Łatuški «Jeŭraradyjo», dzie toj zajaviŭ, što Cichanoŭskaja pavinna ŭzhadniać svaju pazicyju z Paźniakom i Sańnikavym pierad vizitami za miažu.
U intervju Źmitru Łukašuku Łatuška vykazvaŭ kryŭdy na toje, što staŭ druhasnym palitykam — Cichanoŭskaja nie biare jaho na sustrečy z zamiežnymi palitykami, jaho mierkavańniem nie cikaviacca.
Na dumku Łatuški, słuchać pavinny nie tolki jaho, ale i inšych, pavinna być «abjadnańnie». Palityk zajaviŭ, što Cichanoŭskaja pavinna ŭzhadniać svaju pazicyju navat z Paźniakom i Sańnikavym — zadača nievykanalnaja, uličvajučy paśladoŭnuju niazdolnaść apošnich da pracy ŭ kaalicyjach, a taksama toj fakt, što Paźniak nazyvaŭ Łatušku i Sańnikava ahientami KDB (tamu što byłyja dypłamaty, a inšych pasłami nie robiać), Cichanoŭskuju — mahčyma, zavierbavanaj, a Sańnikaŭ raiŭ Cichanoŭskaj smažyć katlety. Nie samy zručny bekhraŭnd dla kalektyŭnaj pracy.
Anton Matolka nie staŭ strymlivać emocyii i ŭ vielmi ekspresiŭnaj maniery pačaŭ pisać u asabistyja paviedamleńni Łatušku.
Łatuška vynies heta na ahulny sud u svajoj staroncy ŭ fejsbuku.
Dopis užo sabraŭ trysta kamientaŭ. Kamu spačuvaje aŭdytoryja? Adnaznačna skazać ciažka. Samaje raspaŭsiudžanaje mierkavańnie, što ŭ dadzienym vypadku abodva paviali siabie nie najlepšym čynam.
-
Stała viadoma, jakoha śviatara-staraabradca zatrymali ŭ Pastaŭskim rajonie
-
Chłopiec z-pad Šarkaŭščyny pakinuŭ u spakoi santechniku — jakuju raniej mietadyčna kraŭ, — pajšoŭ u aŭtamatčyki i ŭrešcie zhinuŭ pad Kupianskam
-
Hramadzianinu Litvy, što ładziŭ u Pastaŭskim rajonie staravierskija bohasłužeńni, pahražaje departacyja
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary