Мінскі таксіст узяў з жанчыны 40 рублёў замест дзясяткі. Цяпер яго шукае падатковая
Упраўленне аператыўных мерапрыемстваў інспекцыі Міністэрства па падатках і зборах у сваім телеграм-канале расказала пра атрыманую скаргу. Таксіст правёз пажылую жанчыну ад чыгуначнага вакзала ў Мінску да станцыі метро «Усход» і ўзяў з яе за гэта 40 рублёў. Скаргу ў падатковую напісаў сын гэтай жанчыны, піша «Анлайнер».
Падаткавікі цяпер шукаюць гэтага таксіста і калі знойдуць, то будуць прыцягваць да адказнасці. Назву службы яны не называюць, «бо ўпэўненыя, што служба ні пры чым», але з яе кіраўніцтвам збіраюцца на ўсялякі выпадак перагаварыць.
Вядома, што таксіст узяў кліента «ад барта». У выпадку, калі кіроўца выступае як самастойны перавозчык і кліента знаходзіць сам, то і расцэнкі на свае паслугі ён вызначае індывідуальна.
Пункт 169 пастановы Савета Міністраў Рэспублікі Беларусь «Аб некаторых пытаннях аўтаперавозак пасажыраў» вызначае, што памер платы за пасадку ўстанаўліваецца аўтамабільным перавозчыкам зыходзячы з ягоных выдаткаў, звязаных з выкананнем пасадкі і высадкі пасажыраў, кладкі і выгрузкі багажу і ручной паклажы. Але ці выконваў кіроўца ўсе прапісаныя патрабаванні?
«Вопыт нам падказвае, што таксометр на радасцях ён забыўся ўключыць. Мы дзейнічаем выключна ў рамках закона і прыцягнуць да адказнасці таксіста зможам толькі за парушэнне парадку прыёму наяўных грашовых сродкаў», — падкрэслілі ва ўпраўленні.
Цяпер чытаюць
Пяць мутных момантаў у гісторыі пра даносчыка Бялюціна і «спецаперацыю» КДБ7
Пяць мутных момантаў у гісторыі пра даносчыка Бялюціна і «спецаперацыю» КДБ
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары