Меркаванні

Чаму Макрон гаворыць з Пуціным пра Беларусь?

Пуцін і Макрон правялі ў Маскве вялікую сустрэчу, на якой абмяркоўвалі ў тым ліку і Беларусь, у прыватнасці, пытанне размяшчэння ў нашай краіне расійскай ядзернай зброі. Але чаму пра гэта Еўропа размаўляе не з Лукашэнкам? Разважае палітолаг Валер Карбалевіч.

Фота Kremlin.ru.

«Асноўная тэма сустрэчы была, канечне, не Беларусь, а сітуацыя вакол Украіны. І тут паказальны каментарый Пяскова, сэнс якога ў тым, што дамаўляцца трэба не з Францыяй, а з ЗША. Бо Расія лічыць сябе вялікай дзяржавай і дамаўляцца хоча з роўным сябе, з Амерыкай. Сустрэча ж з Макронам — гэта працяг звычайных двухбаковых адносін, гэта першае.

Другое — Расія хоча ўнесці раскол у заходні адзіны фронт. Таму ахвотна сустракаецца з прэм’ерам Венгрыі, які мае свой погляд, таму сустракаецца з Макронам, бо Францыя ж таксама прэтэндуе на асаблівую ролю ў НАТА. І чаму ж не паспрабаваць разбіць гэты адзіны еўрапейскі фронт? 

А Беларусь згадвалася проста бокам. Калі будзе дамова аб дээскалацыі, то вывад расійскіх войскаў з беларускай тэрыторыі лагічна выцякае з гэтага. Калі Расія гатовая ісці па гэтым шляху, то войскі вывядуць. Калі не — то пытанне завісне.

Але ж тут ёсць іншы момант: сёлета запланавана каля 20 сумесных беларуска-расійскіх вайсковых мерапрыемстваў. Таму магчыма, што адны вучэнні скончацца, пачнуцца іншыя, на іншых палігонах і з іншай тэхнікай. І войскі будуць выводзіць, пасля ўводзіць новыя, адпаведна, пастаянная прысутнасць расійскіх вайскоўцаў у Беларусі працягнецца».

Але Лукашэнка апошнім часам сам пастаянна выказваецца і пра сумесныя беларуска-расійскія ваенныя дзеянні ў выпадку «нападау Украіны на Данбас», і пра расійскую ядзерную зброю на тэрыторыі Беларусі. Навошта?

«Ён мусіць дэманстраваць сваю лаяльнасць і патрэбнасць Пуціну, — тлумачыць аналітык. — Для таго ён і бяжыць наперадзе паравоза, кажа пра тое, пра што не рашыўся б казаць сам Пуцін: пра ядзерную зброю, пра вайну. Расія ж на афіцыйным ўзроўні аднекваецца ад магчымай вайны, Лукашэнка кажа трохі іншае. Ён імкнецца менавіта даказаць сваю патрэбнасць Маскве, і робціь гэта так, як умее.

Але самастойнасць Лукашэнкі змяншаецца, безумоўна, і вырашаць, ці будзе ў Беларусі расійская ядзерная зброя, будзе зусім не ён. Але я не вельмі сур’ёзна ўспрымаю гэтую ідэю і не думаю, што Расія на гэта пойдзе».

Чытайце таксама:

 «Лукашэнку далі зразумець, што ён — адна з фігураў у вялікай гульні». Як звязаны «сірыйскі кейс» з перамовамі ў Маскве

Каментары

Цяпер чытаюць

Беларус стаў Героем Украіны. «Яго мужчынскі пачатак быў вельмі моцны»7

Беларус стаў Героем Украіны. «Яго мужчынскі пачатак быў вельмі моцны»

Усе навіны →
Усе навіны

У Беларусі няма бульбы, а ў Японіі дэфіцыт рысу1

Зяленскі расказаў, чыя зброя выкарыстоўвалася ў аперацыі «Павуцінне»

Ліса перайшла дарогу на зялёнае ў Гродне ВІДЭА

У мінскай краме прадаюць «нарвежскі» сыр ад беларускага вытворцы па 160 рублёў за кілаграм8

Пяць гадоў таму арыштавалі Паўла Севярынца1

Эдуарда Малафеева не запрасілі на адкрыццё Нацыянальнага стадыёна6

Трамп: Украіна сама справакавала расійскія ўдары40

Харкаў трапіў пад масіраваную атаку: 40 выбухаў, пажары, ёсць загінулыя і параненыя

У Жыткавіцкім раёне жанчына заразіла ВІЧ 83-гадовага старога7

больш чытаных навін
больш лайканых навін

Беларус стаў Героем Украіны. «Яго мужчынскі пачатак быў вельмі моцны»7

Беларус стаў Героем Украіны. «Яго мужчынскі пачатак быў вельмі моцны»

Галоўнае
Усе навіны →

Заўвага:

 

 

 

 

Закрыць Паведаміць