Пра смерць Эрнста Сабілы напісаў у Фэйсбуку адзін з кіраўнікоў БХД Аляксей Шэін. Яму было 89 гадоў, да 90-гадовага юбілею не дажыў паўтара месяца.
Аляксей Шэін пералічвае ключавыя этапы ягонай біяграфіі:
«У 1951 годзе, будучы студэнтам, Сабіла быў арыштаваны па арт. 72-Б Крымінальнага кодэкса БССР («актыўная агітацыя з ужываннем нацыянальных і рэлігійных забабонаў»). Некалькі месяцаў правёў у «Амерыканцы», дзе прайшоў праз катаванні.
Быў асуджаны да расстрэлу, але расстрэльны прысуд быў заменены на 25 гадоў канцлагераў. Збег з лагера, каля 700 кіламетраў прайшоў па тайзе, быў зноў арыштаваны.
З 1988 года ён быў пастарам беларускамоўнай Евангельскай царквы. У 1989-м пастар Сабіла прысутнічаў на першым з'ездзе Беларускага народнага фронту: зачытваў на ім Біблію, асвячаючы палітычнае мерапрыемства.
З другой паловы 2000-х — сябра БХД. Пераклаў Новы Запавет і Псалмы на беларускую мову.
Пахаванне адбудзецца ў яго роднай вёсцы Дзегцяроўка пад Мінскам у панядзелак ці аўторак».
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні5
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары