Pra śmierć Ernsta Sabiły napisaŭ u Fejsbuku adzin z kiraŭnikoŭ BCHD Alaksiej Šein. Jamu było 89 hadoŭ, da 90-hadovaha jubileju nie dažyŭ paŭtara miesiaca.
Alaksiej Šein pieraličvaje klučavyja etapy jahonaj bijahrafii:
«U 1951 hodzie, budučy studentam, Sabiła byŭ aryštavany pa art. 72-B Kryminalnaha kodeksa BSSR («aktyŭnaja ahitacyja z užyvańniem nacyjanalnych i relihijnych zababonaŭ»). Niekalki miesiacaŭ pravioŭ u «Amierykancy», dzie prajšoŭ praz katavańni.
Byŭ asudžany da rasstrełu, ale rasstrelny prysud byŭ zamienieny na 25 hadoŭ kancłahieraŭ. Źbieh z łahiera, kala 700 kiłamietraŭ prajšoŭ pa tajzie, byŭ znoŭ aryštavany.
Z 1988 hoda jon byŭ pastaram biełaruskamoŭnaj Jevanhielskaj carkvy. U 1989-m pastar Sabiła prysutničaŭ na pieršym źjeździe Biełaruskaha narodnaha frontu: začytvaŭ na im Bibliju, aśviačajučy palityčnaje mierapryjemstva.
Z druhoj pałovy 2000-ch — siabra BCHD. Pierakłaŭ Novy Zapaviet i Psałmy na biełaruskuju movu.
Pachavańnie adbudziecca ŭ jaho rodnaj vioscy Dziehciaroŭka pad Minskam u paniadziełak ci aŭtorak».
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary