56-гадовы кубінец Раберта Вальдэса Касануэва, якога 10 снежня 2021 года дэпартавалі з Беларусі за ўдзел у акцыі пратэсту, змог дабрацца да Літвы і цяпер знаходзіцца ў бяспецы.
Пра гэта напісаў у сваім фэйсбуку Андрэй Стрыжак.
«Раберта Вальдэса Касануэва завяршыў эвакуацыю і знаходзіцца ў бяспецы ў Літве. Дзякуй усім, хто прыняў удзел у гэтай аперацыі. Здаецца, што гэта было дакладна паўсотні чалавек, якія зрабілі вельмі многае для яго свабоды. Цяпер Раберта нічога не пагражае і гэта будзе першая паўнавартасная Спакойная ноч за доўгі час», — напісаў Андрэй.
Раберта Вальдэс Касануэва пражыў у Беларусі 30 гадоў, працаваў, у яго трое дзяцей.
Раберта затрымалі на маршы 8 лістапада 2020 года і ў судзе Партызанскага раёна Менска асудзілі на 15 дзён. Больш году ён правёў на Акрэсьціна ў чаканні дэпартацыі. У снежні яго выслалі з Беларусі ў Расію.
«Я проста сядзеў у камеры і марынаваўся». Кубінец, які 30 год пражыў у Беларусі і падтрымаў пратэсты — пра тое, як яго выслалі з краіны
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары