Справа айцішнікаў PandaDoc спыненая, бо фігуранты сплацілі ўрон і кампенсацыю
Генеральная пракуратура паведаміла, на якой падставе спынены крымінальны пераслед фігурантаў справы PandaDoc. Апошнім на свабоду выйшаў топ-менеджар Віктар Куўшчынаў, якога амаль год трымалі ў СІЗА. Іншыя фігуранты былі вызваленыя неўзабаве пасля сустрэчы Лукашэнкі з палітвязнямі ў СІЗА КДБ. Справа была спыненая ў сувязі з добраахвотнай выплатай шкоды і кампенсацыі — больш як 77 рублёў.
Нагадаем, пытанні да PandaDoc узніклі пасля таго, як заснавальнік кампаніі Мікіта Мікада абвясціў, што гатовы дапамагаць з навучаннем і працаўладкаваннем сілавікам, якія адмовяцца выконваць злачынныя загады і пяройдуць на бок народа. Лукашэнка публічна крытыкаваў Мікада, заяўляў, што ў ЗША, дзе той жыве, за такое яго б даўно арыштавалі.
Па падобнай схеме — сплата ўрону і 100% ад гэтай сумы ў якасці кампенсацыі — выйшлі і фігуранты справы «Прэс-Клуба». Праўда, ім па патрабаванні следства яшчэ давялося напісаць прашэнне аб памілаванні на імя Лукашэнкі. Ці патрабавалі таго ж ад айцішнікаў, Генпракуратура не паведамляе.
Цяпер чытаюць
Былы вядучы БТ, які звольніўся ў 2020-м і выехаў у Славакію, расказаў, як жыве цяпер2
Каментары