Сёстры Аляксандра і Валянціна Груздзевы ў інтэрв'ю mk.ru расказалі, як апынуліся на інаўгурацыі Аляксандра Лукашэнкі. Як вядома, яна не анансавалася.
Спявачкі кажуць, што іх запрасілі ў музей Вялікай Айчыннай вайны на нейкае мерапрыемства, нібыта нават для «стварэння партыі» (Груздзевы — прыхільніцы Лукашэнкі).
«Напярэдадні інаўгурацыі позна ўвечары нам патэлефанавалі і паведамілі, што 23 верасня мы павінны прыехаць у Музей Вялікай Айчыннай вайны на нейкае пратакольнае мерапрыемства. Папярэдзілі, што форма адзення — парадная, параілі зрабіць прычоску, нафарбавацца, таму што плануецца пратакольная здымка, — распавядаюць Груздзевы. — Сказалі, што трэба абмеркаваць сітуацыю ў краіне, можа, нават партыю якую створым. Мы зразумелі, што трэба быць на месцы ў 9 раніцы».
Груздзевы кажуць, што ў музеі сабраліся акцёры, артысты і прадстаўнікі культуры. Іх адвезлі ў Палац Незалежнасці і паабяцалі «маленькі сюрпрыз». Там ва ўсіх забралі мабільныя тэлефоны. Груздзевы меркавалі, што будзе «звычайная» сустрэча з Аляксандрам Лукашэнкам. На крэслах яны знайшлі паперкі са сваімі прозвішчамі. Побач з імі быў Аляксандр Саладуха, які нібыта таксама не падазраваў, што трапіў на інаўгурацыю.
«І раптам у залу зайшоў прэзідэнт, — расказваюць Груздзевы. — …Наталля Качанава абвясціла ў мікрафон, што сёння адбудзецца інаўгурацыя».
Пасля выступу Лукашэнкі і прысягі прысутных «папрасілі прайсці ва ўнутраны дворык, дзе стаялі вайскоўцы са стрэльбамі». Пазней артыстаў зноў адвезлі ў музей.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі5
Каментары