Siostry Alaksandra i Valancina Hruździevy ŭ intervju mk.ru raskazali, jak apynulisia na inaŭhuracyi Alaksandra Łukašenki. Jak viadoma, jana nie anansavałasia.
Śpiavački kažuć, što ich zaprasili ŭ muziej Vialikaj Ajčynnaj vajny na niejkaje mierapryjemstva, nibyta navat dla «stvareńnia partyi» (Hruździevy — prychilnicy Łukašenki).
«Napiaredadni inaŭhuracyi pozna ŭviečary nam patelefanavali i paviedamili, što 23 vieraśnia my pavinny pryjechać u Muziej Vialikaj Ajčynnaj vajny na niejkaje pratakolnaje mierapryjemstva. Papiaredzili, što forma adzieńnia — paradnaja, paraili zrabić pryčosku, nafarbavacca, tamu što płanujecca pratakolnaja zdymka, — raspaviadajuć Hruździevy. — Skazali, što treba abmierkavać situacyju ŭ krainie, moža, navat partyju jakuju stvorym. My zrazumieli, što treba być na miescy ŭ 9 ranicy».
Hruździevy kažuć, što ŭ muziei sabralisia akciory, artysty i pradstaŭniki kultury. Ich advieźli ŭ Pałac Niezaležnaści i paabiacali «maleńki siurpryz». Tam va ŭsich zabrali mabilnyja telefony. Hruździevy mierkavali, što budzie «zvyčajnaja» sustreča z Alaksandram Łukašenkam. Na kresłach jany znajšli papierki sa svaimi proźviščami. Pobač ź imi byŭ Alaksandr Saładucha, jaki nibyta taksama nie padazravaŭ, što trapiŭ na inaŭhuracyju.
«I raptam u zału zajšoŭ prezident, — raskazvajuć Hruździevy. — …Natalla Kačanava abviaściła ŭ mikrafon, što siońnia adbudziecca inaŭhuracyja».
Paśla vystupu Łukašenki i prysiahi prysutnych «paprasili prajści va ŭnutrany dvoryk, dzie stajali vajskoŭcy sa strelbami». Paźniej artystaŭ znoŭ advieźli ŭ muziej.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary