Леанід Якубовіч зняў дакументальны фільм пра жаночы авіяцыйны полк, што вызваляў Беларусь
Прэзентацыя гісторыка-дакументальнага фільма «Незабудкі. Бессмяротны авіяполк», прысвечанага франтавому жыццю жаночага 46-га авіяцыйнага палка, які прымаў удзел у вызваленні Беларусі ад нямецкіх захопнікаў, адбылася на аэрадроме Ліпкі Мінскага раёна, піша БЕЛТА.
Гэта фільм у дзвюх серыях па сорак хвілін кожная. Яго аўтарам і сцэнарыстам выступіў Леанід Якубовіч. 46-ы авіяцыйны полк складаўся выключна з жанчын, якія ляталі на самалёце По-2. І перш чым пачаць здымкі стужкі, неабходна было стварыць такую машыну. Як адзначыў начальнік Мінскага аэраклуба ДТСААФ Мікалай Мачанскі, апарат створаны ў супрацоўніцтве са спецыялістамі Харкаўскага авіяцыйнага інстытута.
«Гэта работа працягвалася 5 гадоў, потым год выпрабавальнай работы, і ў пазамінулым годзе самалёт сваім ходам прыляцеў у Беларусь», - расказаў ён.
Карціна была знята за два месяцы. «За паўгода мы яе зманціравалі, і яна ўжо ў пракаце ў Расіі, а таксама даступная на YouTube. Гэты самалёт будзе знаходзіцца тут, мы будзем лятаць на ім, паказваць яго моладзі. По-2 - складаны самалёт, але на ім ляталі дзяўчаты 18, 20, 22 гадоў. Кіраваць ім ноччу без прыбораў сувязі, кідаць бомбы - гэта гераічная праца. У сучаснай моладзі ёсць магчымасць убачыць гэты апарат, памацаць», - адзначыў Мікалай Мачанскі.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае6
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары