У Нью-Ёрку адсвяткавалі 60-я ўгодкі Фундацыі Крачэўскага
26 кастрычніка беларусы Нью-Ёрку адсвяткавалі 60-я ўгодкі Беларускай фундацыі Крачэўскага. Гэтая арганізацыя была заснаваная з мэтай збору, захавання і вывучэння дакументальных сведчанняў пра дзейнасць беларусаў у эміграцыі, а таксама фінансавай і інфармацыйнай падтрымкі праектаў, скіраваных на развіццё і папулярызацыю беларушчыны.
У святкаванні бралі ўдзел сябры фундацыі і запрошаныя госці. На пачатку святочнага паседжання з прывітальным словам выступіла старшыня Рады дырэктароў Галіна Тумаш. З аповедам пра гісторыю заснавання арганізацыі і першых ахвярадаўцаў выступілі доктар Янка Запруднік — адзін з тых, хто стаяў ля яе вытокаў, і Валянціна Трыгубовіч, сябра Рады дырэктароў і архівіст фундацыі.
Доктар Вітаўт Кіпель, дырэктар Беларускага інстытута навукі і мастацтва, падзяліўся ўспамінамі пра доктара Вітаўта Тумаша, першага старшыню Рады дырэктароў фундацыі. Пра дзейнасць арганізацыі на працягу апошняга дзесяцігоддзя прысутных паінфармаваў Вячка Станкевіч, які быў старшынём Рады дырэктароў у гэты час.
Віншаванні з нагоды юбілею даслалі Старшыня Рады БНР Івонка Сурвіла, Беларускі ПЭН-цэнтр, Беларускі дзяржаўны архіў-музей літаратуры і мастацтва, Радыё Свабода і іншыя.Гасцей таксама чакалі смачны пачастунак, дабрачынная латарэя ды шчырыя сяброўскія размовы.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары