«У іх адзенні — гісторыя». Мінчанка завяла блог пра стылёвых сталічных пенсіянераў ФОТЫ
Беларускія пенсіянеры вельмі элегантныя. Не верыце? Паглядзіце гэты блог — мінчанка фатаграфуе стылёвых бабуль і дзядуляў на вуліцах сталіцы.
Аўтарка блогу old_n_beautiful («старыя і прыгожыя») — Святлана Паддубная.
«Мне падабаецца мужчынская мода і класічны стыль у адзенні. У Беларусі такі стыль найбольш ярка выяўлены ў мужчын і жанчын ва ўзросце. Яны надзяваюць класічныя штаны, пінжакі, кашулі, умеюць падбіраць галаўныя ўборы і не саромеюцца іх насіць. Гэта прыгожа, гэта мэсэдж», — расказала Святлана «Нашай Ніне», што натхніла яе завесці такі акаўнт.
Большасць фота — гэта выпадковыя кадры, быццам падгледжаныя карцінкі з жыцця горада.
«У людзей на пенсіі ў нашай краіне няма магчымасці прыгожа жыць — з-за маленькіх даходаў. Усе прыгожа і стыльна апранутыя пенсіянеры — гэта тыя, хто ўмее ставіцца да рэчаў беражліва і ведае, што рэч можа служыць доўга, а не адзін сезон, пасля чаго ты можаш яе выкінуць. Таму мяне так і прыцягваюць гэтыя людзі, у іх адзенні — гісторыя, — дзеліцца Святлана. — І тых, хто ўмее даглядаць рэчы, у пажылым узросце больш. Гэта тое сучаснае sustainable consumptions of the goods («устойлівае спажыванне тавараў»), якое цяпер так модна».
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам25
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары