Еўрапейскім чыноўнікам рассылаюцца паведамленні ад фэйкавага Ціханоўскага
«Мы цяпер на міжнародным форуме ў Бледзе. Аказалася, некаторым удзельнікам форуму пісаў «Ціханоўскі» з прапановамі супрацы».
Еўрапейскім палітыкам і дзяржаўным органам дасылаюць фэйкавыя емэйлы і паведамленні нібыта ад Сяргея Ціханоўскага. Пра гэта расказаў Франак Вячорка, дарадца Ціханоўскай.
«Мы цяпер на міжнародным форуме ў Бледзе. Аказалася, некаторым удзельнікам форуму пісаў «Ціханоўскі» з прапановамі супрацы», — паведаміў ён.
Вячорка паказаў адно з такіх паведамленняў.
«Тут выдае як мінімум напісанне імя — Сяргей сябе падпісвае Sergey Tikhanovski. Ну і тэма, стыль і подпіс выклікаюць адразу сумневы».
У гэтых паведамленнях, што рассылаюцца еўрапейцам, фэйкавы Ціханоўскі спрабуе завязаць кантакты.
«Відавочна, цяпер гэбэ працуе па ўсіх франтах», — адзначыў Вячорка.
Раней у пракуратуру Літвы дасылаўся фэйкавы ліст нібыта ад Ціханоўскага. У ім патрабавалі расследаваць дзейнасць літоўскага дэпутата Вітаўтаса Сініцы. Прычынай нібыта сталі яго абразы Святланы і Сяргея Ціханоўскіх.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары