Ва Украіне падалі пазоў у суд аб ліквідацыі Кіеўскай мітраполіі УПЦ Маскоўскага патрыярхату
Ва Украіне Дзяржаўная служба па этнапалітыцы і свабодзе сумлення (ДСЭСС) падала ў суд пазоў аб ліквідацыі Кіеўскай мітраполіі Украінскай праваслаўнай царквы Маскоўскага патрыярхату (УПЦ МП). Пра гэта 2 верасня паведаміў кіраўнік службы Віктар Яленскі.
ДСЭСС дзейнічае паводле закону «Аб абароне канстытуцыйнага ладу ў сферы дзейнасці рэлігійных арганізацый». Калі ёсць звесткі пра магчымую сувязь рэлігійнай арганізацыі з Рускай праваслаўнай царквой (РПЦ), служба праводзіць ацэнку і адпаведнае расследаванне.
Праверка паказала, што УПЦ МП дагэтуль з’яўляецца часткай РПЦ. Таму мітраполіі было выстаўлена чатыры патрабаванні:
- Кіеўская мітраполія павінна прыняць рашэнне аб выхадзе з Маскоўскага патрыярхату.
- Кіеўскі мітрапаліт павінен дамагчыся прызнання, што апошні статут РПЦ не дзейнічае для Украінскай царквы.
- Кіеўскі мітрапаліт мусіць публічна заявіць пра незадаволенасць сваім прызначэннем Сінодам РПЦ.
- Кіраўнічыя органы УПЦ павінны не прызнаваць анексію епархій РПЦ на ўсходзе Украіны і ў Крыме.
На выкананне патрабаванняў быў адведзены тэрмін да канца жніўня 2025 года. Але, паводле слоў Віктара Яленскага, замест супрацоўніцтва мітраполія даслала супярэчлівы ліст, таму справу накіравалі ў суд.
Калі суд прыме рашэнне на карысць ДСЭСС, Кіеўская мітраполія страціць статус юрыдычнай асобы, але асобныя прыходы змогуць дзейнічаць аўтаномна і захаваць незалежнасць.
28 жніўня ДСЭСС афіцыйна прызнала Кіеўскую мітраполію УПЦ МП афіліяванай з РПЦ, дзейнасць якой у Украіне забароненая. У самой мітраполіі заявілі, што не згодныя з гэтым рашэннем, бо інфармацыя была атрыманая з дакументаў з Расіі, а не са статута УПЦ МП.
УПЦ Маскоўскага патрыярхату далі месяц на разрыў адносін з Масквой
Зяленскі пазбавіў украінскага грамадзянства мітрапаліта УПЦ Ануфрыя
У самым вялікім праваслаўным храме Украіны пабіліся вернікі дзвюх цэркваў
Зяленскі падпісаў закон аб забароне УПЦ Маскоўскага патрыярхату
Вярхоўная Рада афіцыйна забараніла РПЦ. Што будзе далей з УПЦ?
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары