Ад украінскай спявачкі патрабавалі выбачыцца за відэа з «харошым рускім». Яе адмова выклікала скандал
«Слухайце, вы хутка так задзеўбяце людзей гэтай здрадай. Ужо ўсё, як у канцлагеры», — кажа Вольга Палякова.
Украінская спявачка Воля Палякова трапіла пад хвалю крытыкі.
Ва Украіне многія абурыліся, што на фестывалі Лаймы Вайкуле ў Юрмале яна знялася ў відэа з расійскім блогерам і музыкам Сяргеем Грыгор'евым-Апалонавым. (Гэта пляменнік іншага Грыгор'ева-Апалонава з «Іванушак». Сяргей жыве ў эміграцыі, нядаўна даваў інтэрв'ю Ксеніі Сабчак. Ён выказваўся супраць вайны.)
У нядаўнім інтэрв'ю Палякова пракаментавала тое відэа. Яна казала, што не сачыла за кар'ерай Грыгор'ева-Апалонава, а само мерапрыемства было праўкраінскім.
Яна пракаментавала крытыку ў свой бок з-за зносін з іншымі расійскімі артыстамі, якія не падтрымалі вайны.
«Слухайце, вы хутка так задзеўбяце людзей гэтай здрадай. Ужо ўсё, як у канцлагеры. Украіна ўжо не свабодная краіна», — сказала спявачка.
«Паглядзіце на гэтых зорак, якія баяцца рот разявіць. Ты мусіш увесь час баяцца, што дзесьці не так камусьці сказаў, не з тым сфатаграфаваўся, не тое сказаў у інтэрв'ю, не так павёў сябе, дзесьці не заплакаў, дзе трэба было».
Палякову абурыла патрабаванне прасіць прабачэння. Гэта нагадвае ёй партыйны сход КПСС. «Я нікому не павінна нічога тлумачыць, я нічога не зрабіла кепскага». Спявачка, якая выступае па-ўкраінску і інтэрв'ю давала па-ўкраінску, лічыць, што да сваіх чапляюцца больш, чым да іншых.
Палякова заступілася за Пугачову і Галкіна.
«Ала Пугачова і Максім Галкін у Расіі мелі абсалютна ўсё. Яны ў адзін дзень сабраліся, пакінулі свой дом, пакінулі ўсё, што мелі, і з'ехалі з краіны, каб не быць разам з рэжымам, з краінай, якая чыніць вялікую агрэсію супраць Украіны. Разумееце, гэтыя людзі страцілі ўсё. Яны падтрымліваюць Украіну, як могуць. І тое, што мы хейцім людзей за тое, як яны падтрымліваюць Украіну, то мы так з вамі падтрымкі ў свеце больш не заробім. (…)
Скажыце, калі ласка, чалавек, які адмовіўся ад усяго ў Расіі і дапамагае Украіне, але расіянін па нацыянальнасці — горшы? (…)
Таму дзяліць людзей на добрых ці дрэнных па нацыянальнасці — гэта дурасць».
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары