У Севастопалі ўзарвалі былога камандзіра ўкраінскай падлодкі, які перайшоў на бок Расіі
Паводле звестак ВЧК-ОГПУ, падчас выбуху ў Севастопалі загінуў афіцэр ВМФ РФ Роберт Шагееў. Заплечнік з бомбай, па інфармацыі тэлеграм-каналаў, заклала жанчына.
У акупаваным Расіяй Севастопалі ў выніку выбуху самаробнага выбуховага прыстасавання, закладзенага ў сметніцы каля жылога дома, загінуў мужчына.
Тэлеграм-каналы сцвярджаюць, што перад выбухам каля дома знаходзілася жанчына з заплечнікам, якая, імаверна, сачыла за будучай ахвярай.
Расійскія каналы пішуць, што здарэнне можа быць дыверсіяй украінскіх спецслужбаў. Афіцыйнага пацвярджэння гэтай версіі няма.
Блізкі да расійскіх сілавікоў канал 112 піша, што загінуў капітан 1‑га рангу, але імя яго не называе.
Адначасова з'явілася інфармацыя, што загінулым можа быць Роберт Шагееў — былы камандзір украінскай падводнай лодкі «Запарожжа».
Роберту Шагееву 49 гадоў, ён былы камандзір украінскай падводнай лодкі.
Падчас расійскай анексіі Крыма ў сакавіку 2014 года «Запарожжа» была заблакаваная расійскімі вайскоўцамі ў Стралецкай бухце ў Севастопалі. Экіпаж спачатку адмовіўся здавацца і забарыкадаваўся ўнутры лодкі. Сам Шагеев заяўляў, што будзе стаяць за Украіну да апошняга. Пазней аднак, паводле загаду Шагеева, маракі выйшлі з падводнай лодкі. «Запарожжа» адбуксавалі ў Паўднёвую бухту, дзе на ёй спусцілі ўкраінскі і паднялі расійскі сцяг.
Пасля гэтага Шагееў перайшоў на службу ў ВМФ Расіі.
Цяпер чытаюць
З псіхбальніцы збег былы начальнік Ганцавіцкай міліцыі14
Каментары