Польскія байкеры, якім пасля акцыі памяці забаранілі ўезд у Расію, наведалі Курапаты
«Мы хочам, каб памяць аб ахвярах Панараў, Катыні, Курапатаў і ўсіх месцаў пакарання ніколі не згасала».
Польскія байкеры з асацыяцыі «Люблю Польшчу» (Stowarzyszenie Kocham Polskę) 30 жніўня наведалі Курапаты, каб аддаць даніну памяці загінулым ахвярам савецкага тэрору.
«Гэта быў момант глыбокай задуменнасці і разважанняў. Мы хочам, каб памяць аб ахвярах Панараў, Катыні, Курапатаў і ўсіх месцаў пакарання ніколі не згасала. Гэта не проста даніна памяці загінулым — гэта таксама абавязацельства перад будучымі пакаленнямі, каб гістарычная праўда заўсёды была жывая», — напісалі яны ў сацсетках.
Раней польскія байкеры правялі акцыю памяці ў Расіі ля мемарыяла «Меднае» пад Цвер'ю (там пахавана больш за шэсць тысяч польскіх вайскоўцаў, расстраляных у СССР у 1940 годзе). Пасля гэтага ім забаранілі ўезд у Расію. На байкераў склалі пратаколы аб парушэнні міграцыйнага заканадаўства.
Расійская прапаганда назвала іх акцыю ў Цверы правакацыяй і заявіла, што байкеры «скандавалі антырасейскія лозунгі і пакінулі пасля сябе нацыяналістычныя надпісы». Удзельнікаў акцыі яны выдавалі за неанацыстаў.
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары