Найбольшая колькасць здзелак з кватэрамі сярод гарадоў-спадарожнікаў Мінска здзяйсняецца ў Фаніпалі — у сярэднім 176 здзелак у год. Усяго, па дадзеных Нацыянальнага кадастравага агенцтва (НКА), з 2020 па 2024 год тут прадалі 880 кватэр. Найменшая колькасць здзелак за гэты перыяд заключылі ў Лагойску — 249. У Заслаўі за чатыры гады прадалі 420 кватэр, у Дзяржынску — 543, у Смалявічах — 609, піша OfficeLife.
Амаль ва ўсіх гарадах-спадарожніках Мінска ад траціны да паловы здзелак прыходзілася на кватэры ў дамах, пабудаваных пасля 2010 года. Выключэннем стаў Заслаўе — там траціна здзелак з кватэрамі прыйшлася на дамы, пабудаваныя з 1971 па 1990 год.
А што з цэнамі? Па ўзроўні сярэдніх цэн сярод гарадоў-спадарожнікаў вылучаюцца Фаніпаль і Заслаўе — там паказчыкі перавышаюць сярэдняе значэнне па іншых спадарожніках на 27-42% у розныя перыяды.
У апошнія гады адбылося пераразмеркаванне цэн на кватэры ў гарадах-спадарожніках. Да канца 2023 года па ўзроўні сярэдняй цаны на кватэры яны дзяліліся на дзве групы: Дзяржынск, Смалявічы і Лагойск — да $800 за кв. м, Фаніпаль і Заслаўе — каля $1 тыс.
Але ў апошнія два гады сярэдняя цана ў Фаніпалі, Смалявічах і Дзяржынску дадала 18-19%, у той час як у Лагойску і Заслаўі прырост цаны склаў 5 і 7% адпаведна.
Як змянілася цана за квадратны метр у гарадах-спадарожніках Мінска за 5 гадоў
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары