Najbolšaja kolkaść ździełak z kvaterami siarod haradoŭ-spadarožnikaŭ Minska ździajśniajecca ŭ Fanipali — u siarednim 176 ździełak u hod. Usiaho, pa dadzienych Nacyjanalnaha kadastravaha ahienctva (NKA), z 2020 pa 2024 hod tut pradali 880 kvater. Najmienšaja kolkaść ździełak za hety pieryjad zaklučyli ŭ Łahojsku — 249. U Zasłaŭi za čatyry hady pradali 420 kvater, u Dziaržynsku — 543, u Smalavičach — 609, piša OfficeLife.
Amal va ŭsich haradach-spadarožnikach Minska ad traciny da pałovy ździełak prychodziłasia na kvatery ŭ damach, pabudavanych paśla 2010 hoda. Vyklučeńniem staŭ Zasłaŭje — tam tracina ździełak z kvaterami pryjšłasia na damy, pabudavanyja z 1971 pa 1990 hod.
A što z cenami? Pa ŭzroŭni siarednich cen siarod haradoŭ-spadarožnikaŭ vyłučajucca Fanipal i Zasłaŭje — tam pakazčyki pieravyšajuć siaredniaje značeńnie pa inšych spadarožnikach na 27-42% u roznyja pieryjady.
U apošnija hady adbyłosia pieraraźmierkavańnie cen na kvatery ŭ haradach-spadarožnikach. Da kanca 2023 hoda pa ŭzroŭni siaredniaj cany na kvatery jany dzialilisia na dźvie hrupy: Dziaržynsk, Smalavičy i Łahojsk — da $800 za kv. m, Fanipal i Zasłaŭje — kala $1 tys.
Ale ŭ apošnija dva hady siaredniaja cana ŭ Fanipali, Smalavičach i Dziaržynsku dadała 18-19%, u toj čas jak u Łahojsku i Zasłaŭi pryrost cany skłaŭ 5 i 7% adpaviedna.
Jak źmianiłasia cana za kvadratny mietr u haradach-spadarožnikach Minska za 5 hadoŭ
Kamientary