Jak vyhladaje znutry samy vialiki pientchaus kvartała Depo amal za dva miljony dalaraŭ VIDEA
Jość navat kruhły kabiniet! A ahulnaja płošča — ažno 220 kvadratnych mietraŭ.
Błohierka Śvietaŭłada (tak, heta jaje sapraŭdnaje imia) pakazała ŭ svaim tyktoku hatovy interjer u samym vialikim pientchausie Depo — kvateru płoščaj 220 kvadratnych mietraŭ prapanujuć kupić za $1,9 miljona.
U videa možna zaŭvažyć, što hatovy dyzajn-prajekt praduhledžvaje prychožuju, haścinuju-kuchniu, dva kabiniety (adzin ź ich — kruhłaj formy), sanvuzieł z vannaj i harderobnaj, dadatkovuju harderobnuju ŭ kalidory, a taksama spalniu ź jašče adnoj harderobnaj i druhi, «haspadarski», sanvuzieł z dušavoj kabinaj.
Rum tur samoho bolšoho pientchausa kvartały diepo 220 kvadratnych mietrov s hotovoje otdiełkoj.
Rakaviny ŭ abodvuch sanvuzłach kamiennyja.
Novy kvartał ad A-100 u centry Minska na miescy byłoha tralejbusnaha depo ličycca premijalnym. U hetaj kvatery dadatkovaje bahaćcie, vidać, simvalizujuć i častkova załataja santechnika, a taksama niekatoryja azdablalnyja elemienty.
Što cikava, daloka nie ŭsim spadabałasia płaniroŭka i azdoba pientchausa. Najbolš dastałasia kalidoram-łabiryntam.
«Vielmi šmat kvadrataŭ, jakija pa fakcie nie vykarystoŭvajucca, a pa 9 tysiač dalaraŭ za kvadrat zapłaci»;
«Niejkaje dziŭnaje płanavańnie. Ci to kvatera, ci to ofis. Kabiniety a-la pieramoŭnyja pakoi, harderobnyja, sanvuzły, kalidory, što pierachodziać u kalidory»;
«Amal za dva miljony vuzkija kalidory i małyja pakoi»;
«Niešta pamiž ofisam i hatelem, zusim biez atmaśfiery», — kamientujuć ludzi.
Taksama biełarusy źviarnuli ŭvahu na sam dyzajn, jaki, na ich pohlad, nie ciahnie na sumu, na jakuju acanili kvateru:
«Takoje adčuvańnie, što roznyja dyzajniery lapili heta… Vajb hatelaŭ «Minsk» i «Jeŭropa» da ramontu».
Jakim budzie kvartał Depo ŭ centry Minska i čym natchnialisia jaho aŭtary
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach
Jak vyhladaje pieršy dziciačy sadok u «Zialonaj havani», pabudavany za $4 miljony
«Jak zvyčajnamu čałavieku źniać sabie kvateru, kali tam ceńnik — 900, 1200?» U jakim horadzie Biełarusi arandavać žyllo tańniej za ŭsio
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro7
Kamientary