U Dubai paśla iranskich udaraŭ zakryvajuć na rekanstrukcyju znakamity «hatel-vietraź»
U Dubai na praciahłuju restaŭracyju zakryvajecca viadomy raskošny hatel «Burdž al-Arab», jaki časta nazyvajuć «hatel-vietraź». Paviedamlajecca, što jon nie budzie prymać haściej amal paŭtara hoda.
Uładalniki hatela płanujuć pravieści maštabnaje abnaŭleńnie budynka, kab zachavać jaho i palepšyć dla budučaha vykarystańnia. Padkreślivajecca, što heta časovaje zakryćcio, a nie spynieńnie dziejnaści.
Hatel paciarpieŭ jašče naprykancy lutaha, kali ŭ rehijonie ŭzmacniŭsia kanflikt pamiž Iranam i ZŠA ź Izrailem. Tady abłomki iranskaha bieśpiłotnika vyklikali pažar u budynku. Heta adbyłosia na fonie vajennych dziejańniaŭ i ŭzajemnych udaraŭ u rehijonie Piersidskaha zaliva.
Paźniej ułady Abjadnanych Arabskich Emirataŭ zajavili, što čakajuć kampiensacyi ad Irana za škodu, naniesienuju cyvilnym abjektam.
Zakryćcio hatela, adnak, źviazana nie tolki z nastupstvami paškodžańniaŭ, ale i z płanami jaho abnaŭleńnia paśla bolš jak 25 hadoŭ pracy.
Kamientary
Z mora bačny " kryž" na hetym " vietrazie" ekskursavod bajku razpaviadał heta ni vypadak
Na fota taksama bačna kali pryhladziecca
Uraził akvarium u Dubaj molle z akułami skaty salut pad Burdž chalifam ...załaty rynak