Dziaŭčynku nazvali Vivi.
Pres-sakratar prezidenta ZŠA Donalda Trampa Kerałajn Levit naradziła druhoje dzicia. Pieršaha maja naradziłasia dziaŭčynka Vivijana — abo «Vivi». Pra heta Levit paviedamiła ŭ svaim profili ŭ Instagram, na jaki padpisany try miljony čałaviek, piša Bild.
«Jana idealnaja i zdarovaja, a jaje starejšy brat z radaściu pryvykaje da žyćcia sa svajoj novaj maleńkaj siastryčkaj. My atrymlivajem asałodu ad kožnaha momantu ŭ našaj ščaślivaj burbałcy novanarodžanaha», — napisała Levit.
Baćka dziciaci — deviełopier u śfiery nieruchomaści Nikałas Ryča. U pary ŭžo jość syn — Nika, jaki naradziŭsia ŭ lipieni 2024 hoda.
Levit — samaja maładaja pres-sakratarka ŭ historyi Biełaha doma i pieršaja, jakaja zajmała hetuju pasadu, budučy ciažarnaj. Pra svaju ciažarnaść jana paviedamiła ŭ śniežni: «Samy vialiki kaladny padarunak, pra jaki my tolki mahli maryć».
Pakul Levit znachodzicca ŭ adpačynku pa dohladzie za dziciem, pres-kanfierencyi pravodziać členy kabinieta.
Dziaržsakratar Marka Rubia upieršyniu vystupiŭ u hetaj roli 5 maja — adzin z čynoŭnikaŭ Biełaha doma nazvaŭ jaho «pryrodžanym talentam» i pachvaliŭ jaho pazicyju pa Iranie.
Nieŭzabavie rolu pres-sakratara pavinien vykanać i vice-prezident Džej Dzi Vens. Ministr finansaŭ Skot Besient i inšyja palityki taksama mohuć dałučycca — «mahčyma, navat sam prezident», — paviedamiŭ adzin amierykanski čynoŭnik.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach52
Kamientary