Dziaržsakratar ZŠA Marka Rubia zajaviŭ, što amierykanskija sproby vystupić pasiarednikam u pieramovach pamiž Rasijaj i Ukrainaj faktyčna zajšli ŭ tupik, piša The Moscow Times.
Pavodle słoŭ Marka Rubia, Vašynhton sprabavaŭ dapamahčy bakam dasiahnuć mirnaha pahadnieńnia, ale pakul heta nie dało vyniku.
«My sprabavali adyhryvać rolu pasiarednika, ale pakul heta nie pryviało da plonnaha vyniku pa šerahu pryčyn. My ŭsio jašče hatovy adyhryvać hetuju rolu, kali jana moža być vynikovaj», — skazaŭ dziaržsakratar ZŠA.
Jon adznačyŭ, što ZŠA nie chočuć marnavać čas i resursy na praces, jaki nie pryvodzić da prahresu. Pry hetym jon dadaŭ, što amierykanski bok hatovy viarnucca da aktyŭnaha pasiarednictva, kali situacyja źmienicca.
Raniej ZŠA, kab dabicca vyniki, prapanoŭvali Rasii šyrokija sastupki — u tym liku razmovy pra źmiakčeńnie sankcyj, ekanamičnaje supracoŭnictva i navat mahčymaść pryznańnia Kryma. Adnak Uładzimir Pucin nie pahadziŭsia na kampramis pa terytaryjalnych pytańniach i praciahvaje patrabavać addać jamu biez boju poŭny kantrol nad Danbasam.
Niahledziačy na kantakty pamiž pradstaŭnikami ZŠA i Kramlom, a taksama niekalki sustreč pamiž rasijskim i ŭkrainskim bakami, damahčysia mirnaha pahadnieńnia nie ŭdałosia.
Raniej krynicy vydańnia Bloomberg paviedamlali, što ŭ Kramli razhladajuć mahčymaść praciahvać vajnu jašče jak minimum hod ci dva i rychtujuć novaje nastupleńnie.
Što da ZŠA, to jany chacieli dasiahnuć damoŭlenaści pa Ukrainie jašče da viasny, kab paśla vynieści jaje na refierendum va Ukrainie i arhanizavać vybary, jak taho patrabavała Rasija. Amierykanski bok taksama byŭ zacikaŭleny ŭ chutkim prahresie hetych pieramoŭ na fonie ŭnutranaj palityčnaj situacyi ŭ ZŠA i budučych vybaraŭ u Kanhres. Adnak zavyšanyja patrabavańni Pucina i admova Ukrainy ich pryniać zrabili hetyja płany nievykanalnymi.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1414
Kamientary
Kab zaniali bok achviary, i ŭviali źniščajuščyja sankcyi da rf, to mahčyma ahresar i spyniŭ b ahresiju z-za niedachopu hrošaj.