Technarejv u Biełaviežskaj puščy pieranieśli na bolš poźni termin. Pieršapačatkova mierapryjemstva płanavałasia pravieści 18 krasavika, adnak paźniej apieratar prodažu biletaŭ abviaściŭ pra źmienu daty, piša Tochka.by.
Ciapier ivent zapłanavany na 28 žniŭnia. Aficyjnych padrabiaznych tłumačeńniaŭ pieranosu arhanizatary nie dali, ale možna mierkavać, što na heta paŭpłyvała pazicyja abaroncaŭ pryrody, zaniepakojenych tym, što mierapryjemstva pravodzicca tady, kali ŭ źviaroŭ naradžajucca dzicianiaty, a ptuški vysiedžvajuć jajki.
Paviedamlajecca, što ŭsie ŭžo nabytyja bilety zastajucca sapraŭdnymi. Kali ž naviedvalniki nie zachočuć iści na mierapryjemstva na novuju datu, im abiacajuć poŭnaje viartańnie hrošaj, za vyklučeńniem servisnaha zboru.
Mierapryjemstva pavinna było prajści ŭ rezidencyi Dzieda Maroza ŭ Biełaviežskaj puščy. Płanavałasia, što terytoryja na adzin viečar pieratvorycca ŭ placoŭku elektronnaj muzyki z vystupami dydžejaŭ, śviatłom, fud-kortami i dadatkovymi aktyŭnaściami, uklučajučy prahułki pa terytoryi.
Paśla anansavańnia idei vakoł iventu ŭźnikła dyskusija. Častka ludziej vykazvała zaniepakojenaść tym, jak hučnaja muzyka moža paŭpłyvać na žyvioł u nacyjanalnym parku. U adkaz arhanizatary i administracyja śćviardžali, što placoŭka znachodzicca dastatkova daloka ad zapaviednaj zony, a huk budzie nakiravany ŭ bok sceny, kab minimizavać uździejańnie na pryrodu.
Toj samy masažyst raskazaŭ, navošta zdymaŭ hołych klijentak2
Kamientary