«Jermaka niama — ale jon jość». Paśla adstaŭki były kiraŭnik Ofisa prezidenta Ukrainy staŭ mienš publičnym, ale nie mienš upłyvovym
«Adzin sihnał prezidenta, i ŭsie pierastanuć brać trubku ad Andreja Barysaviča. Ale hetaha sihnału niama».
Były kiraŭnik Ofisa prezidenta Ukrainy Andrej Jermak paśla adstaŭki farmalna adyšoŭ ad publičnaj roli, adnak i dalej zachoŭvaje vyznačalny ŭpłyŭ na kadravyja rašeńni i ŭnutranyja pracesy na Bankavaj.
Pavodle źviestak krynic «Ukrainskaj praŭdy» ŭ palityčnych i biznes-kołach, Jermak zachoŭvaje kantrol nad bolšaściu pryznačencaŭ u Ofisie prezidenta Ukrainy i maje poŭnaje ŭjaŭleńnie pra ŭnutranyja pracesy.
«Adzin sihnał prezidenta, i ŭsie pierastanuć brać trubku ad Andreja Barysaviča. Ale hetaha sihnału niama. Naadvarot, jość sihnał, jaki paćviardžaje paŭnamoctvy Andreja», — padkreślivaje krynica UP u palityčnych kołach.
Inšy surazmoŭca va ŭładnaj viertykali śćviardžaje, što ŭpłyŭ Jermaka nie źnik, a tolki staŭ mienš publičnym: «Jermaka niama — ale jon jość. Prosta ciapier jamu treba adpraŭlać nie 10 smsak, a 5. A ŭsio astatniaje prakantralujuć davieranyja asoby».
Surazmoŭcy UP taksama pakazvajuć, što šerah klučavych ludziej va ŭładzie zachavali svaje pazicyi, a kadravyja rašeńni zastajucca pad upłyvam Jermaka.
«Śvirydzienka na miescy. Kuleba na miescy. Kraŭčanka na miescy. Pronin na miescy. Navat Kipier na miescy. HUR — kreatura AB. Kastynh na kiraŭnika SVR — taksama AB. Što źmianiłasia paśla adstaŭki Jermaka? Budanaŭ pryjšoŭ u OP? Nu dyk chaj pasprabuje źmianić kahości sa svaich namieśnikaŭ — dakładniej namieśnikaŭ Jermaka», — kaža surazmoŭca.
28 listapada 2025 hoda va ŭradavym kvartale detektyvy NABU i prakurory SAP praviali pieratrusy ŭ kiraŭnika Ofisa prezidenta Andreja Jermaka. Jermak paćvierdziŭ, što pieratrusy prachodziać pa miescy jaho pražyvańnia, i zajaviŭ pra hatoŭnaść sadziejničać śledstvu.
Paśla Zialenski paviedamiŭ, što zvolniŭ Andreja Jermaka z pasady kiraŭnika Ofisa prezidenta. 2 studzienia Zialenski pryznačyŭ kiraŭnika HUR Kiryła Budanava kiraŭnikom Ofisa prezidenta.
Sam Jermak paviedamiŭ, što idzie na front paśla taho, jak padaŭ u adstaŭku na fonie karupcyjnaha skandału i śledčych dziejańniaŭ NABU ŭ jaho žylli.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
Ni ab terytoryi razmova....ab kaštoŭnaściach Reputacyi Zakon Prava