Biełarus uklučany ŭ simvaličnuju zbornuju najlepšych navičkoŭ Amierykanskaj chakiejnaj lihi
Illa Protas staŭ najlepšym u kamandzie pa hałach, bałach, hałach u bolšaści (10) i pakazčyku «plus/minus» (+16).
Biełaruski forvard «Chieršy Biears» Illa Protas uklučany ŭ simvaličnuju zbornuju najlepšych navičkoŭ Amierykanskaj chakiejnaj lihi siezona 2025/2026 (druhaja pa značnaści chakiejnaja liha ŭ Paŭnočnaj Amierycy paśla NCHŁ), paviedamlaje «Biełaruski chakiej».
19‑hadovy Illa, vybrany «Vašynhton Kepitałz» u trecim raŭndzie drafta NCHŁ 2024 hoda, lidziruje siarod navičkoŭ ACHŁ i zajmaje vośmaje miesca ŭ ahulnym zaliku pa vynikovaści, nabraŭšy 62 bały (28 hałoŭ, 34 halavyja pieradačy) u 66 matčach za «Chieršy». Jon staŭ najlepšym u kamandzie pa hałach, bałach, hałach u bolšaści (10) i pakazčyku «plus/minus» (+16).
4 krasavika ŭ matčy suprać «Chartfarda» jon addaŭ piać halavych pieradač i nabraŭ šeść bałaŭ. 8 krasavika Protas debiutavaŭ u NCHŁ u składzie «Kepitałz» i za čatyry hulni zakinuŭ adnu šajbu i addaŭ try halavyja pieradačy.
Kožny hulec atrymaje kryštalnuju ŭznaharodu ź indyvidualnym dyzajnam u znak pryznańnia jaho ŭklučeńnia ŭ simvaličnuju zbornuju navičkoŭ ACHŁ siezona 2025—2026.
Paśla čatyroch matčaŭ u «Vašynhtonie» Illa viarnuŭsia ŭ «Chieršy» dahulać rehularny čempijanat, a potym znoŭ paŭdzielničać u płej-of (Kubak Kołdera).
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary