Jak vyhladaje pieršy dziciačy sadok u «Zialonaj havani», pabudavany za $4 miljony
Siońnia žurnalistam Onliner pakazali pieršy dziciačy sad, pabudavany ŭ «Zialonaj havani». Jašče troški, i dzietki, što pierajechali razam z baćkami žyć za MKAD, zmohuć chadzić u svaje hrupy i hulać na svaich placoŭkach. Pašancuje adrazu 240 małyšam.
Budynak dziciačaha sadka pabudavali prosta kala lesu. Uzvodzić pabudovu z «tancujučym» siłuetam pačali minułaj viasnoj. Tady ž paviedamili, što prajekt «pryviazany» da ptušynaha śvietu: nazyvacca sadok budzie «Ptušyny dom», a ŭvachod zrobleny ŭ formie hniazda.
Płany nie źmianilisia: u korpusy možna trapić praz «špakoŭniu», a hałoŭny ŭvachod sapraŭdy ŭ formie hniazda. Špakoŭni, darečy, raskidany i pa fasadzie. Žyvuć u ich ptuški virtualnyja, nie sapraŭdnyja, ale i heta dobra.
Dobraŭparadkavańnie dvara taksama z «adsyłkami». A jašče tut vielmi ŭtulna: usie darosłyja drevy zachavanyja, raznatraŭje zasiejana. I navat dla pierakananych intraviertaŭ praduhledžany svaje kutki.
Terytoryja dziciačaha sadka znachodzicca pad videanazirańniem: bolš za dziasiatak kamier hladziać va ŭsie kutočki «Ptušynaha doma». A voś u hrupach kamier nie budzie.
Unutry, jak i čakałasia, — miłata zaškalvaje: maleńkija šafki, stoliki, kresły. Dyzajniery syšli ad kryklivych čyrvonych i žoŭtych koleraŭ. «My vykarystoŭvajem jarkija, ale pryjemnyja kolery. Jarkija — pieravažna ŭ ahulnych prastorach, a spakojnyja — u kabinietach psichołaha, łahapieda, u hrupach. Jany nie tak uzbudžajuć dzicia, dazvalajuć zasiarodzicca na zaniatkach abo spakojna zasnuć», — tłumačyć Andrej Pašaŭ, hałoŭny architektar «A-100 Dieviełopmient».
U trochpaviarchovym budynku navat jość lift. Pieramiaščacca pamiž uzroŭniami možna budzie na paŭnacennym padjomniku: mała što ŭ kaho za abstaviny.
Płošča typavoj hrupy (usiaho ich u sadku 12) — kala 90 kvadratnych mietraŭ. Prastora ŭmoŭna padzielena na niekalki zon. Sustrakaje dziaciej (i ich baćkoŭ) raździavałka ź piersanalizavanymi šafkami (uzory na jajkach nie paŭtarajucca). Šafki, darečy, z padahrevam — vosieńniu i zimoj nie pryjdziecca zabirać «syroje» dzicia z sadka.
Dalej — hulniavaja. Stały, cacki — novaje tut naŭrad ci prydumaješ, vyłučycca možna za košt dyzajnu. Akramia taho, u hrupach praduhledžana bufietnaja i kładoŭka, kab nie zachłamlać lišnim hrupy.
Za joj — zona dla snu.
Spartyŭnaja i muzyčnaja zały susiedničajuć.
Na druhim paviersie znachodziacca kabiniety psichołaha i łahapieda. «Zavisnuć» možna ŭ kožnym i nadoŭha (i nieabaviazkova mieć prablemy — prosta rečy tut cikavyja, u tym liku interaktyŭnaja piasočnica z funkcyjaj dapoŭnienaj realnaści). A voś administracyja budzie raźmieščana na pieršym uzroŭni. Šukajcie zahadčycu niedaloka ad centralnaha ŭvachodu.
Na pieršym ža paviersie znajšłosia miesca i dla miedbłoka z tak zvanymi izalatarami: kali ŭ kaho z vychavancaŭ zapadozrać, naprykład, viatranku, to da pryjezdu baćkoŭ małoha adpraviać u nievialiki pakojčyk z łožkam i ačyščalnikam pavietra. Da izalataraŭ jość asobny padjezd — chutkaja (fu-fu-fu) zmoža padjechać prama da boksa.
Sanvuzły ŭ hrupach jak u darosłych — ź dźviercami! Voś chto ź dziacinstva budzie viedać usio pra asabistyja miežy. U piedahohaŭ, darečy, taksama jość asobny sanvuzieł.
Na miesca ŭ hetym dziciačym sadku mohuć pretendavać nie tolki žychary «Zialonaj havani», ale taksama Kaładziščaŭ, dy i luboha nasielenaha punkta. Zdavałasia b, hrupy mohuć akazacca pierapoŭnienyja, ale, jak raspaviadajuć u «A-100», pakul prablem z hetym niama: usie miascovyja daškolniki (heta 133 dziciaci pa rehistracyi), chto padaŭ zajavy, trapili ŭ dziciačy sadok.
Pa raźlikach, «Ptušyny dom» zapracuje ŭžo ŭ siaredzinie vieraśnia.
Zaraz idzie nabor piersanału ŭ dziciačy sad. Pakolki jon znachodzicca za horadam, mahčyma, što treba budzie arhanizavać padvoz supracoŭnikaŭ.
Pa płanach u «Zialonaj havani» pavinny źjavicca jašče try sadki. Budaŭnictva pieršaha abyšłosia amal u $4 miljony. Pobač z «Ptušynym domam» vyraście jašče i škoła. Zaraz zakančvajecca jaje prajektavańnie.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
• IDZICIE Ŭ SAD! •
💤 Usio dla ruskamoŭnych, usio dla załahodžvańnia Rasiei. A ċto, B. i K. očień by ponroviłoś.
👾 Dadamo, «Onlinier» u maim razumieńni heta najpierš B..č, pra pohlady kaho tutata hetyja paviedamlanty «ŭ-žo-pa-viedamlali». Dziciačy sad ź ich!
.
• NIA VIERMA! •
🔺Ci nie z čaćviertymi źmianieńniami paščaściła ŭbačyć nadrukavanym moj vaciety ↑ dopis. Nu, što za persanažy B. i K., miarkuju, zdahadalisia ŭsie.
🔺Ale ci možna pisać całkam nia B..č, a Blišč u ščepcy ź ciapierašnim «Onłajnieram»? Miarkuju, jašče jak, bo heta taksama jahonaja ličynka, i takoj, spres ..uskamoŭnaju, jana j zastałasia. Tak, Blišč() va ŭhodu na chleb masłanamaznaj kanjunktury maje talent rabić vyhlady, byccam źmianiajecca, pavaročvacca da biełaruskamoŭnych pieradam, a da piosaŭ zadam i navat krakadyłaślozna vybačacca. Ale nia vierma.
🔺«A jašče pierad hetym u svaim «Tvitary» Blišč napisaŭ (arfahrafija aryhinała): «Žiełaju zmaharam nikohda nie pridti k vłasti v Biełoruśsii» — i pasłaŭ «na try litary» *. Tolki na try litary z henymi «Onłajnierami» ŭ śviadomych biełarusaŭ roŭnieńka pajšoŭ sam Blišč. «U sad»❗
———
*https://d2accbiqacj5y8.cloudfront.net/104880/
.