«Dzie ja, chto ja, dzie Biełaruś?» Źmicier Daškievič pasprabavaŭ adkazać na emihranckija pytańni
Na kanale Sašy Ivulina «ČiestnOK-LIVE» vyjšła intervju sa Źmitrom Daškievičam, dzie były palitviazień adkazvaŭ na pytańni, jakija časta staviać pierad saboj emihranty.
Pa-pieršaje, što ciapier rabić, kali pryjšło razumieńnie, što «ŭsio nadoŭha». Treba žyć siońniašnim dniom, tut i ciapier rabić usio, što zaležyć ad ciabie, kab była Biełaruś, upeŭnieny Daškievič, pierakazvaje Reform.news.
«Dzie ja, chto ja, dzie Biełaruś? Kali ja viarnusia ŭ Biełaruś?». Daškievič adkazvaje na hetyja emihranckija pytańni pa-bahuševicku prosta: «Biełaruś tam, dzie biełaruskaja mova».
Mova — heta toje, što trymaje Biełaruś žyvoj, navat kali terytoryja pad akupacyjaj i represijami.
«Što budzie adbyvacca, kali vy nie budziecie razmaŭlać na rodnaj movie? Vy budziecie ryć akopy i hinuć», — adkazvaje Daškievič na pytańnie Ivulina, što rabić z Rasijaj. Tamu što «russkij mir» tam, dzie «russkaja rieċ».
«Kožny čałaviek, jaki razmaŭlaje pa-rasiejsku, jon śviadoma ci nieśviadoma dapamahaje Rasiei ničščyć Ukrainu i Biełaruś», — kateharyčna zajaŭlaje były palitviazień.
Padčas razmovy Daškievič pačynaje razvažać pra «siłu słabych». Vyznačyŭšy svaju słabaść, my robim toje, što ciapier nam dasiahalna. U svoj čas, raspačaŭšy abaronu Kurapat, ludzi zrabili niemahčymaje — pieramahli. Choć siły byli niaroŭnyja.
Surazmoŭcy zakranuli pytańnie, jak u turmie stavilisia da biełaruskaj movy.
Daškievič zhadvaje, što sutykaŭsia z ahresijaj i z boku administracyi, i z boku zekaŭ. «Ale kali ty pieraadolvaješ hetuju kanfliktnuju situacyju, to potym ludzi, jakija ciabie abražajuć za biełaruskuju movu, sami pačynajuć razmaŭlać pa-biełarusku».
Hałoŭnaje być viernym tamu, što ty abraŭ. U turmie, dzie ŭsio nakiravana na toje, kab złamać čałavieka, mova stanovicca formaj supracivu.
Tych, chto biŭ jaho za biełaruskuju movu, nazyvaje adeptami «ruskaha miru»: «U pałovie ci bolšaści siłavych kabinietach — rasiejskija ściahi. U hałavie ŭ ich Rasija. Jana nie identyfikujuć siabie biełarusami, kali bjuć ciabie za biełaruskuju movu».
Tamu niama vialikaha padziełu ŭnutry biełaruskaha hramadstva, miarkuje Daškievič. Jość biełarusy i adepty «russkoho mira».
Kamientary
Na kolki heta maksimalistyčna!( Kali na kont Biełarusi možna jašče choć niejki dyjałoh vieści, to nakont Ukrainy heta prosta śmiech. Adkaznaść za budučyniu Ukrainy, niasie vyklučna Ukraina!
Absalutna tak. Ruskamoŭnyja hadami niščać svai krainy, a potym takija: voj, a čamu heta tam i tam žyvuć pa-ludsku, a ŭ nas - sraka?