U Danii vydali pieršy pašpart zamiežnika hramadziancy Biełarusi biez statusa ŭciekača
Praca viałasia dva hady.
U Danii vydali pieršy pašpart zamiežnika hramadziancy Biełarusi biez statusu ŭciekača. Pra heta paviedamiŭ telehram-kanał «Narodnyja ambasady Biełarusi» sa spasyłkaj na asacyjacyju «Tałaka — Siabry Biełarusi ŭ Danii»:
«U nas vydatnaja navina: paśla dvuch hadoŭ nastojlivaj i intensiŭnaj pracy ŭ Danii pieršy zamiežny pašpart (fremmedpas) byŭ vydadzieny hramadziancy Biełarusi! Hetaja padzieja stała važnaj viachoj jak dla biełaruskaj supolnaści ŭ Danii, tak i asabliva dla biełarusaŭ, jakija pa palityčnych pryčynach nie mohuć źviartacca da ŭładaŭ Biełarusi. Vydača dakumientu stała vynikam maštabnaj supolnaj pracy hrupy aktyvistaŭ Tałaki. Istotnuju rolu adyhrała padtrymka Śviatłany Cichanoŭskaj i jaje Ofisa, a taksama ŭvaha z boku dackich uładaŭ i dziaržaŭnych instytucyj», — paviedamlajuć «Narodnyja ambasady».
Zaznačajecca, što asablivaje značeńnie mieli zajavy ministra zamiežnych spraŭ Danii Łarsa Lokie Rasmusiena. Važnym faktaram taksama stała ŭdzieł Ambudsmana dackaha parłamienta Kryścijana Brytena Łundbłada.
Da pracesu aktyŭna dałučylisia pradstaŭniki dackich palityčnych partyj, u tym liku členy Moderaterne, SF i Venstre — Libieralnaj partyi Danii. Asabliva važnuju padtrymku vykazała hrupa salidarnaści SF, jakaja ŭźnimała pytańni abarony pravoŭ biełarusaŭ u Danii.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary