Siońnia ranicaj u Hrodnie adbyłasia avaryja, jakaja šakavała vidavočcaŭ. Kala handlovaha centra Triniti sutyknulisia katafałk, lehkavik i hruzavy MAZ, jaki čyściŭ vulicy.

Pavodle słoŭ śviedak, lehkavaja mašyna i katafałk sprabavali prajechać kalco naprastki, parušajučy praviły, i ŭ hety momant u ich urezaŭsia hruzavik, jaki ruchaŭsia pa kruzie.
«Hruzavik zajechaŭ u katafałk, toj pieraviarnuŭsia, a truna na darozie apynułasia. Hladžu — viečka adkryłasia. A lehkavy aŭtamabil — z paškodžanym pieradam», — raspavioŭ padrabiaznaści avaryi čytač partała «AŭtaHrodna».


Udar byŭ takoj siły, što katafałk pierakinuŭsia na bok. Z mašyny na asfalt vypała truna, u jakoj ad udaru adčyniłasia nakryŭka. Ci byŭ tam niabožčyk, nie paviedamlajecca.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii
Kamientary