«Nivodnaha dnia», — skazała pres-sakratar Łukašenki.
Natalla Ejsmant skazała, što 11 hadoŭ nie brała adpačynak. Pra heta jana paviedamiła viaskovaj nastaŭnicy z Drahičynskaha rajona Inie Jakoŭčyk padčas ekskursii pa Pałacy Niezaležnaści, paviedamiŭ telehram-kanał Drahičynskaha rajvykankama.
— Ja 11 hadoŭ nie była ŭ adpačynku. Nivodnaha dnia. U nas adpačynak zhodna z hrafikam Łukašenki: jon u adpačynak nie chodzić, my, adpaviedna, taksama, — prakamientavała jana.
Pres-sakratar adznačyła, što dziaržaŭnyja mierapryjemstvy nie mohuć być pastaŭlenyja na paŭzu na niekalki tydniaŭ, a ŭ pres-słužbie kožny adkazvaje za svoj napramak pracy.
Ejsmant dadała, što jak dastatkova publičny čałaviek jana «nie maje varyjantaŭ i šancaŭ rassłabicca» i zaŭsiody pavinna ŭmieć i raskazać, i adkazać na luboje pytańnie, i trymać tvar.
Kamientary