Staŭ viadomy prysud adyjoznamu funkcyjanieru BRSM ź piedafilskim minułym, jakoha sudzili za zdradu dziaržavie
U 2020 hodzie Uładzimir Ciuchaj dapamahaŭ milicyi patrulavać vulicy, kab łavić udzielnikaŭ pratestaŭ. A sudzili jaho za vajnu va Ukrainie.
Byłoha funkcyjaniera BRSM i Kampartyi Uładzimira Ciuchaja sudzili pa dźviuch častkach artykuła «Zdrada dziaržavie», a taksama ŭ «prymusie asoby da ŭdziełu ŭ złačynnaj dziejnaści z prymianieńniem hvałtu abo źniščeńniem majomaści». Sud pačaŭsia 21 červienia 2024 hoda. Tolki ciapier staŭ viadomy vyrak i sutnaść spravy.
Pavodle śviedčańnia byłoha palitviaźnia, Ciuchaj ź niezrazumiełych pryčyn vyrašyŭ sačyć za vajskoŭcami z metaj pieradać źviestki Ukrainie. Za heta jamu dali 17 hadoŭ.
Pra Ciuchaja raniej «Naša Niva» padrabiazna raspaviadała.
Pieršuju viadomaść Ciuchaj atrymaŭ u 2008-m. Tady jon byŭ sakratarom minskaj kamunistyčnaj partyi i supracoŭnikam BRSM. Dziela taho, kab svajaki i paplečniki palitviaźnia Alaksandra Barazienki nie mahli prajści na sud, jon całkam zahaciŭ zału studentami minskich VNU. U adkaz na abureńnie maci palitviaźnia jon šturchnuŭ jaje tak, što jana ŭpała na ruki muža. Anijakaj adkaznaści za heta nie panios.
U 2013‑m Ciuchaj znoŭku askandaliŭsia. Žodzinskija łaŭcy piedafiłaŭ śćviardžali, što złavili jaho na žyŭca, kali viali pierapisku ad imia 15‑hadovaha chłopca, jaki zaprasiŭ funkcyjaniera BRSM na «haračuju noč». Pry sustrečy ŭ Ciuchaja pry sabie byccam znajšli intymnuju zmazku i preziervatyvy. Sam jon heta admaŭlaŭ.
U 2020‑m mužčyna dapamahaŭ milicyi patrulavać vulicy. Jon žaliŭsia telekanału ANT, što «nie moža vyjści ź siamjoj na vulicu ŭ niadzielu». Tamu, maŭlaŭ, jon i jašče dzieviać jaho pryjacielaŭ ustupili ŭ družyny, kab «adsočvać, ci nie prachodzić niedzie niesankcyjanavanaje mierapryjemstva».
Apošni raz anłajn Ciuchaj byŭ va «Ukantakcie» ŭ lipieni 2022 hoda.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary