Aryna Sabalenka vychodzić zamuž: pieršaja rakietka śvietu adkazała «tak» brazilskamu biznesmienu
Zorka suśvietnaha tenisa Aryna Sabalenka rychtujecca da viasiella. Jaje abrańnik, brazilski pradprymalnik Hieorhijas Franhulis, apublikavaŭ videa prapanovy joj.
Franhulis padzialiŭsia kadrami, na jakich ščaślivaja tenisistka prymaje prapanovu ruki i serca.
Hieorhijas Franhulis — brazilski biznesmien hrečaskaha pachodžańnia. Jon źjaŭlajecca zasnavalnikam i ŭładalnikam brenda karysnaj ježy Oakberry.
Para pačała aficyjna sustrakacca viasnoj 2024 hoda, paśla čaho Franhulisa stali pastajanna zaŭvažać u boksie tenisistki na turnirach.
U lipieni taho hoda spartsmienka paćvierdziła svaje adnosiny z brazilskim biznesmienam. «Kachańnie ŭsiaho majho žyćcia», — napisała Sabalenka pa-partuhalsku.
Mužčyna tady byŭ jašče žanatym. Paśla taho jak pra adnosiny Franhulisa i Sabalenki stała viadoma hramadskaści, žonka biznesmiena zajaviła pra pačatak šlubarazvodnaha pracesu.
Pierad hetym ramanam Sabalenka niekalki hadoŭ była ŭ blizkich adnosinach z byłym chakieistam Kanstancinam Kalcovym, jaki dziela jaje kinuŭ žonku z tryma dziećmi.
U sakaviku Kalcoŭ trahična zahinuŭ u Majami, i tady vyśvietliłasia, što na momant śmierci jon užo nie byŭ razam z Arynaj.
-
Alimpijski pryzior Maksim Niedasiekaŭ ažaniŭsia druhi raz. Hetym razam z Łalitaj
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
Kamientary