Razmova idzie ŭ tym liku pra naftavyja tankiery i kamiercyjnyja sudny.
Namieśnik kamandujučaha Vajenna-marskich sił Korpus vartavych isłamskaj revalucyi Machamad Akbarzade zajaviŭ, što Iran uvioŭ zabaronu na luboje pieramiaščeńnie praz Armuzski praliŭ. Razmova idzie ŭ tym liku pra naftavyja tankiery i kamiercyjnyja sudny, paviedamlaje ahienctva Fars.
Raniej Iran pahraziŭ «spalvać» usie sudny ŭ Armuzskim pralivie, jakija pasprabujuć prajści praz Armuzski praliŭ, zajaviŭ daradca kamandujučaha Korpusam vartavych isłamskaj revalucyi Ibrachim Džabary.
«My nie dazvolim nivodnaj kropli nafty pakinuć hety rehijon», — padkreśliŭ jon, dadaŭšy, što Tehieran hatovy «ŭdaryć pa ŭsich naftapravodach u rehijonie», kab spynić ekspart nafty ź Blizkaha Uschodu.
Z 28 lutaha, kali pačałasia vajennaja apieracyja ZŠA i Izraila suprać Tehierana, iranskija vajennyja atakavali piać naftavych tankieraŭ u Armuzskim pralivie.
U pryvatnaści, pad udary trapili tankiery MRD Vyom pad ściaham Maršałavych Astravoŭ, Hercules Star (Hibrałtar), Stena Imperative (ZŠA), Athen Nova (Handuras), a taksama adno sudna ŭ porcie Džebiel-Ali (AAE).
Armuzski praliŭ — najvažniejšaja enierhietyčnaja arteryja płaniety: praź jaje prachodzić kala 20% suśvietnych pastavak nafty i da 30% zvadkavanaha pryrodnaha hazu (ZPH).
Paśla pačatku vajennaj apieracyi suprać Irana sudnachodstva ŭ pratocy akazałasia paralizavana — Tehieran, jaki kantraluje paŭnočny bierah prałmvu, abjaviŭ ab spynieńni handlu praź jaje.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary