Valeryi Navadvorskaj padaryli na dzień narodzinaŭ 40 tysiač dalaraŭ, a jana razdała ŭsie hrošy žurnalistam
Pra hetu historyju biznesoviec Alfred Koch raskazaŭ u intervju Juryju Dudziu.
Uradženiec Kazachstana i niemiec z pachodžańnia Alfred Koch pačynaŭ palityčnuju karjeru ŭ Sankt-Pieciarburhu — paralelna z Sabčakom, Pucinym, Čubajsam i šmatlikimi miascovymi kryminalnymi aŭtarytetami, padtrymlivaŭ demakratyčny ruch u Rasii, finansavaŭ Barysa Niamcova i Fond baraćby z karupcyjaj. Siabravaŭ jon i z palitykam Valeryjaj Navadvorskaj.
«Što vy dumajecie pra Valeryju Navadvorskuju? Ci było pieraasensavańnie jaje?», — spytaŭ Juryj Dudź, namiakajučy na toje, što Navadvorskaja adrazu papiaredžvała pra niebiaśpieku Pucina, a demsupolnaść nie ŭsprymała papiaredžańni.
«U mianie nijakaha pieraasensavańnia nie było, ja adrazu ličyŭ, što jana vialikaja žančyna, ja joj zaŭždy dapamahaŭ, u nas byli vielmi piaščotnyja adnosiny. Heta była niejkaja źjava, nieziamnoje, «nie naša». Čałaviek, jaki byŭ całkam pazbaŭleny niejkich nizkich žadańniaŭ, nie ad hetaha śvietu. Ja niejak padaryŭ joj hrošaj, zdajecca, na 60 hadoŭ, salidnuju sumu — 40 tysiač dalaraŭ. Jana ich razdała žurnalistam časopisa «Novoje vriemia».
Ja na jaje kryčaŭ: «Lera, ty što? Ty ciotka: invalid, z maci stareńkaj, zdarovych mužykoŭ, jaki siabie prakarmić nie mohuć, padtrymlivaješ?». «Ja nie mahu, jany maje tavaryšy», — adkazała jana», — raskazaŭ Alfred Koch.
«Usio, što jana tady kazała pra Pucina, tady było zrazumieła, ci retraśpiektyŭna pryjšło?» — spytaŭ Dudź.
«Mnie tady zdavałasia, što jana pierahibaje, viektar pravilny, ale pierahibaje. Zaraz tak nie zdajecca». «Pucin daciahnuŭ da jaje płanki, tady nie daciahvaŭ, a ciapier daciahnuŭ, jana abaznačyła, i jon daciahnuŭ», — dadaŭ Koch.
Valeryja Illinična Navadvorskaja naradziłasia ŭ 1950 hodzie ŭ Baranavičach, kali jaje baćki byli ŭ jaje dziaduli i babuli na kanikułach. Užo ŭ 1969 hodzie ŭ Maskvie arhanizavała padpolnuju hrupu, kab zmahacca z kamunistyčnym režymam. Była aryštavana i asudžana na try hady. Potym nieadnarazova pieraśledavałasia savieckimi ŭładami. U 1992 hoda zasnavała partyju «Demakratyčny sajuz». Potym zasnavała partyju «Zachodni vybar». Była bieskampramisnym krytykam rasijskaj ułady i Uładzimira Pucina. Pamierła ŭ lipieni 2014 hoda.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary