U alimpijskaj čempijonki Hanny Huśkovaj pierad Alimpijadaj pamierła mama
«Jana vystupała nie ŭ najlepšym stanie», — raskazaŭ u intervju Betnews były trenier nacyjanalnaj zbornaj pa frystajle Mikałaj Kazieka.
«Niadaŭna byŭ na čempijanacie krainy ŭ Raŭbičach. Pahavaryŭ z Hannaj Huśkovaj. Mała chto viedaje, ale pierad startam na Hulniach u jaje pamierła maci, i jana vystupała, zrazumieła, nie ŭ najlepšym stanie.
Nie vielmi ŭdały pieršy skačok u finale — jaho, pa idei, nie pavinna było być. Kab trapić u pieršuju šaściorku, jakaja budzie zmahacca za miedali, treba było iści va-bank — vykonvać trajnoje salta z dvuma piruetami. Tolki jano davała niejki šaniec. Ale Ania zrabiła dvajnoje i pradkazalna vybyła z baraćby za pryzavyja miescy. Sprabuju zrazumieć łohiku. Jana, viadoma, była — ale čatyrochhadovaj daŭniny, kali takaja ž taktyka pryniesła joj pośpiech. U Piekinie supiernicy nie zmahli vykanać svaje trajnyja, i Ania ŭziała srebra», — raskazaŭ Mikałaj Kazieka.
Jon dadaŭ, što zaraz dziaŭčaty vydatna asvoili trajnyja salta z tryma piruetami i vykonvajuć ich praktyčna idealna.
«Samaje drennaje, što paśla Hulniaŭ u Piekinie nie było detalovaha razboru vystupleńniaŭ, jaki ŭ moj čas u nas zaŭsiody pravodziŭsia. Na Hulniach-2022 dapuścili niekalki taktyčnych pamyłak — i ŭ Miłanie jany paŭtarylisia. U kamandnym turniry naša zbornaja tady nie trapiła ŭ finalnuju čaćviorku z-za taho, što Hanna vykonvała prosty skačok — dvajnoje salta z dvuma piruetami. Jon navat nie ŭvachodziŭ u jaje spabornickuju prahramu. Ale znoŭ ža — raźličvali trapić u čaćviorku «małoj kryvioj». Adnak na Alimpijadzie tak nielha — tam treba vykładvacca na poŭnuju», — reziumavaŭ Mikałaj Kazieka.
Jon taksama raskazaŭ, što frystajlistka Alaksadra Ramanoŭskaja paśla traŭmy vyvučyłasia na ajcišnicu.
«Saša Ramanoŭskaja, viedaju, vyvučyłasia na ajcišnicu, što mianie, ščyra kažučy, ni kropielki nie ździviła. Jana zaŭsiody była razumnaj i kreatyŭnaj dziaŭčynaj, vielmi mocnaj, sa stryžniem unutry. Naohuł, kali ŭspaminaju tuju kamandu, u mianie serca prosta śpiavaje — tolki ciapier razumieješ, nakolki tady my byli mocnyja. Liču, praktyčna niepieramožnyja», — dadaŭ lehiendarny trenier.
Mikałaj Kazieka ŭznačalvaŭ nacyjanalnuju zbornuju pa frystajle z 1990‑ch hadoŭ, i biełaruskija frystajlisty z kožnaj Alimpijady pryvozili miedali. U 2010 hodzie Alaksiej Hryšyn u Vankuviery zavajavaŭ zołata, z Sočy-2014 Ała Cupier i Anton Kušnier pryvieźli zołata, Hanna Huśkova zavajavała zołata na Alimpijadzie-2018. Paśla padziej 2020 hoda, paśla taho jak Mikałaj Kazieka vystupiŭ suprać hvałtu, jaho vyhnali sa zbornaj. U 2026 hodzie biełaruskija frystajlisty nie zavajavali nivodnaha miedala na Alimpijadzie.
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali18
Kamientary
Znajdzicie chvilinačku u žyćci i pasprabujcie znajści jaho pa adrasu Jakuba Kołasa, d.59 k 1 u Minsku.
Paraŭnajcie z pampieznym budynkam "Akadiemii Futboła" i d.t. p.
Prykładam dyjahnaz "spartovaje serca" dastajecca nie kožnamu. Ja bačyŭ čałavieka z takim dyjahnazam.
Ludzi, jakim apiekavacca zdaroŭjem byłych pieramožcaŭ, nie kaŭbasa, tam u ich niama navat achoŭnika. U ich tolki 5 kamputaraŭ, nieabjadnanych u sieciva.
Kožny moža pabačyć ludziej, jakija achoŭvajuć kaŭbasu, prykładam u "Sosiediach".
U kamiery na Akreścina samym spakojnym byŭ čałaviek sa "spartovym sercam". I tatu u jaho było vielmi ścipłaje i nieprykmietnaje - tolki 5 litar.
Amapaŭcy, jaki brali jaho, uvarvalisia z krykami:
- Diadia Vasia[imia źmieniena], ty padaj, padaj srazu, čtob nam nie prišłoś tiebia 3.14...
Dziadzia Vasia pracavaŭ achoŭnikam. Tolki nie u "Sosiediach", a ŭ trenažornaj zali - vypravadžvaŭ bodzibiłderaŭ.
Hlańcie suajčyńniki na "raskošu", jakuju mohuć dazvolić sabie lekary, jakim daručana "spartovaje serca" byłych pieramožcaŭ. Jany žyvuć biez achoŭnika.