Aptovyja ceny na haz u Jeŭropie rezka vyraśli na fonie eskałacyi kanfliktu pamiž Iranam i ZŠA ź Izrailem. Druhi dzień zapar kaciroŭki ŭ Niderłandach i Vialikabrytanii demanstrujuć mocny rost: u aŭtorak jany padskočyli bolš čym na 40%, piša The Moscow Times.
Situacyja pahoršyłasia paśla taho, jak Katar časova spyniŭ vytvorčaść zvadkavanaha pryrodnaha hazu na zavodzie Ras-Łafan — najbujniejšym u śviecie ekspartnym terminale ZPH. Akramia taho, kanflikt faktyčna pryvioŭ da zakryćcia Armuzskaha praliva, praź jaki prachodzić kala piataj častki suśvietnych pastavak ZPH. Heta vyklikała rezki rost cenaŭ na mižnarodnych rynkach.
Fjučars na haz u niderłandskim chabie TTF vyras amal na 50% i dasiahnuŭ 64,5 jeŭra za miehavat-hadzinu. U Vialikabrytanii kantrakty na pastaŭku ŭ nastupnym miesiacy padaraželi bolš čym na 40% — da 159 piensaŭ za term.
Analityki adznačajuć, što kryzis supaŭ z važnym pieryjadam dla rynku: u Jeŭropie i Azii zakančvajecca aciaplalny siezon, a zapasy hazu, asabliva ŭ Jeŭropie, zastajucca nizkimi. Heta moža ŭskładnić papaŭnieńnie schoviščaŭ u najbližejšyja miesiacy.
Ekśpierty ličać, što ZŠA mahli b častkova pavialičyć ekspart ZPH, ale ŭ karotkaterminovaj pierśpiektyvie heta naŭrad ci całkam kampiensuje mahčymyja straty pastavak z Katara. Pavodle prahnozaŭ analitykaŭ, ceny ŭ niderłandskim chabie mohuć zastavacca vyšejšymi za 40 jeŭra za miehavat-hadzinu da druhoha kvartała, paśla čaho mahčymy spad pry źnižeńni hieapalityčnaj napružanaści.
Padaražańnie zakranuła i jeŭrapiejski rynak ZPH: indykatyŭnaja cana pastavak u paŭnočna-zachodniuju Jeŭropu na pačatak sakavika vyrasła bolš čym na 56% u paraŭnańni z papiarednim dniom.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary