«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
Biełarusy, jakija žyvuć u Abjadnanych Arabskich Emiratach, padčas skasavańniaŭ rejsaŭ praz abstreły z boku Irana dapamahajuć suajčyńnikam, jakija nie mohuć vylecieć z krainy, ale pry hetym nie raźličvali na dadatkovyja vydatki. Pra toje, jak ludzi ŭ takich umovach samaarhanizavalisia, piša «Biełsat».
Pakul nieba na Blizkim Uschodzie zakrytaje i mnohija biełarusy, što palacieli adpačyvać u Emiraty, nie mohuć viarnucca damoŭ, Raman ź Minska, zasnavalnik servisu dastaŭki hatovych racyjonaŭ ProfitFood u Miensku, razam sa svajoj inicyjatyvaj ProfitFood u Dubai razvozić tam biaspłatnuju ježu biełarusam, jakija apynulisia ŭ składanaj situacyi.
Mužčyna ŭ Threads adznačyŭ, što kaardynujecca z Hienieralnym konsulstvam Biełarusi, jakoje źbiraje i pieradaje zajaŭki ad tych, chto patrabuje «maksimalnaj padtrymki».
«U niaprosty čas hałoŭnaje — zastavacca ludźmi. Kali vam ci vašym blizkim patrebnaja dapamoha, źviartajciesia ŭ Hienkonsulstva ŭ Dubai! U składany čas važna trymacca razam. Biełarusy svaich nie kidajuć», — napisaŭ Raman.
«Biełarusy i ŭ Dubai biełarusy. Hanarusia», — pišuć u kamientarach.
«Jak pryjemna! Vy cudoŭny čałaviek! My ciapier u Dubai, dapamoha nie patrebnaja, vylecim, spadziajusia, svoječasova, ale jak ža mnie pryjemna čytać takija čałaviečnyja słovy».
Choć rašeńnie dapamahčy turystam na adpačynku ŭ zamožnaj krainie razumiejuć nie ŭsie.
«U sensie biaspłatnaja ježa?! Heta paharelcy ŭ vioscy ci što? Ludzi ŭ AAE prylacieli, nu zatrymalisia na paru dzion — i ŭ ich hrošaj na ježu niama, durdom prosta».
Taksama ludzi stvaryli telehram-čat abviestak z prapanovami časovaha žylla i karysnymi rekamiendacyjami turystam, jakija zachraśli ŭ aeraportach Abu-Dabi, Dubaja i Šardžy abo apynulisia litaralna na vulicy ŭ hetyja dni.
«Ja maci z 4 dziećmi. Vyhaniajuć z hatelu «Leha Łend», rejs 3 sakavika na 19:40 skasavali ŭčora. Patrebnaja dapamoha z žyllom», — zapytała tam Kaciaryna.
«Kali kamuści patrebnaja dapamoha — žančyny, dzieci — biaspłatna 2 pakoi ŭ 4‑pakajovaj kvatery da vašaha vyletu ŭ krainu. Prosta 2 pakoi volnyja, hatovaja dapamahčy ad čystaha serca», — napisała vyšej biełaruska z Dubaju.
«My siamja, kali ŭ vas realnyja składanaści z žyllom da vyletu, na niekalki načej zmožam dać adzin nievialiki pakoj dziaŭčatam ci pary», — prapanavaŭ Alaksiej.
Miascovyja biełarusy prapanujuć pakoi ŭ svaich kvaterach, niekatoryja hatovyja źniać za svaje hrošy kvateru navat na tydzień. Praŭda, čaściej za ŭsio paviedamleńni tyčacca žančyn i ź dziećmi.
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
«Poŭnaja niavyznačanaść». Što budzie z turystami, jakija płanavali adpačynak u AAE ŭ sakaviku?
U AAE, Katary i Amanie zastajucca bolš za try tysiačy biełaruskich turystaŭ
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ40
Kamientary
Biełarus biełarusu Biełarus ...