Pucin viedaŭ pra płanavanuju ataku na Iran, ale ničoha nie zrabiŭ, kab joj pieraškodzić. Čamu?
Ahienctva Bloomberg śćviardžaje, što rasijski prezident byŭ u kursie płanaŭ apieracyi Izraila i ZŠA suprać Irana, adnak nie zrabiŭ nijakich krokaŭ, kab padtrymać Tehieran. Na heta jość surjoznyja pryčyny.
Pavodle infarmacyi žurnalistaŭ, izrailskija pradstaŭniki za niekalki tydniaŭ da praviadzieńnia apieracyi namiakali rasijskim čynoŭnikam pra surjoznaść svaich namieraŭ. Mienavita tamu, jak ličać krynicy, Maskva abmiežavałasia tolki słovami asudžeńnia i nie pierajšła da realnych dziejańniaŭ.
Ekśpierty i krynicy vydańnia tłumačać takuju pazicyju niekalkimi pryčynami.
Pa-pieršaje, u Rasii abmiežavanyja mahčymaści ŭpłyvu na situacyju.
Niahledziačy na padpisańnie ŭ studzieni 2025 hoda damovy ab stratehičnym supracoŭnictvie pamiž Maskvoj i Tehieranam, hety dakumient nie praduhledžvaje ŭzajemnuju abaronu, u adroźnieńnie ad pahadnieńniaŭ Rasii ź niekatorymi inšymi krainami. Taksama i paśla papiarednich udaraŭ pa iranskich abjektach rasijski bok zajaŭlaŭ, što Iran, maŭlaŭ, nie źviartaŭsia pa vajskovuju dapamohu.
Pa-druhoje, Rasija sutykajecca ź niedachopam resursaŭ.
Praciahłaja vajna suprać Ukrainy značna skaraciła zapasy rasijskich uzbrajeńniaŭ. Akramia taho, nieefiektyŭnaść častki iranskich sistem supraćpavietranaj abarony rasijskaj vytvorčaści padčas papiarednich atak naniesła ŭdar pa reputacyi rasijskaj zbroi.
Jašče adnoj pryčynaj nazyvajuć žadańnie Maskvy padtrymlivać adnosiny sa Złučanymi Štatami, kab dasiahnuć svaich metaŭ u kanflikcie z Ukrainaj. Pavodle krynic, heta taksama mahło paŭpłyvać na strymanuju reakcyju i paźbiahańnie rezkich zajaŭ.
U materyjale taksama adznačajecca, što dla Rasii kanflikt na Blizkim Uschodzie maje i peŭnyja vyhody.
Udary ZŠA pa suvierennaj krainie biez sankcyi AAN Maskva moža vykarystoŭvać jak arhumient u abhruntavańni ŭłasnych dziejańniaŭ suprać Ukrainy.
Akramia taho, napružanaść u rehijonie adciahvaje ŭvahu zachodnich krain i pieranakiroŭvaje ich resursy, u tym liku ŭzbrajeńnie, u bok Blizkaha Uschodu. Heta, na dumku aŭtaraŭ materyjału, moža być niavyhadnym dla Ukrainy.
Taksama rost napružanaści ŭpłyvaje na suśvietnyja ceny na naftu. Pakolki Rasija zastajecca bujnym eksparcioram nafty, pavyšeńnie cenaŭ moža papaŭniać jaje biudžet, u tym liku vajskovyja vydatki, niahledziačy na nakładzienyja zachodnimi krainami sankcyi.
Pucin nazvaŭ zabojstva Chamieniei cyničnym parušeńniem usich normaŭ marali i prava. Łukašenka maŭčyć
Biełaruś inicyjavała chartyju šmatpalarnaści z Rasijaj, Iranam, KNDR i Mjanmaj
Najbujniejšaja admiena rejsaŭ z časoŭ pandemii — vajenny kanflikt na Blizkim Uschodzie spravakavaŭ chaos u niebie
Čatyry šlachi zaviaršeńnia vajny ŭ Iranie
Z-za vajny ŭ Iranie ceny na haz u Jeŭropie ŭźlacieli amal na 50%
Kab zabić Chamieniei, izrailskaja raźviedka ŭzłamała darožnyja kamiery ŭ Tehieranie i adklučyła vyški mabilnaj suviazi
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii2
Kamientary